(એજન્સી) તા.ર૭
ઈરાનના ઈસ્લામિક રિવોલ્યુશનરી ગાર્ડ કોર્પ્સ(આઈઆરજીસી)ના એક વરિષ્ઠ અધિકારીએ દાવો કર્યો છે કે તેના દરિયા કિનારાની ખૂબ જ નજીક ભટકતા યુ.એેસ.ના કોઈપણ યુદ્ધ જહાજોને ડૂબાડવાની તેનામાં ક્ષમતા છે. યુ.એસ. રાષ્ટ્રપતિ જો બાઈડેનના વહીવટની શરૂઆતમાં જ એક દુશ્મનાવટભર્યું વલણ વ્યક્ત કરતી જનરલની આ ટિપ્પ્ણી આવી હતી. આપણી અવરોધક શક્તિનો આભાર કે ઈરાન નજીકના આંતરરાષ્ટ્રીય જળ ક્ષેત્રમાં યુએસની હાજરીને દેશ માટે જોખમી માનવામાં આવે છે. અમારામાં અમેરિકી જહાજોને નાશ કરવાની ક્ષમતા છે. એમ જનરલ રહીમ નોઈ અઘદમે સમાચાર એજન્સીને જણાવ્યું હતું. પશ્ચિમ એશિયામાં અમેરિકી દળો, જેઓ કાર્યવાહી કરવા સક્ષમ નથી તેનાથી વિપરીત ઈસ્લામિક રિપબ્લિક ઓફ ઈરાનના સશસ્ત્ર દળો ખાસ કરીને જાણીતા છે. નોઈ અઘદમ દ્વારા આપવામાં આવેલી ચેતવણી બાઈડેનના ઉદ્‌ઘાટનના અઠવાડિયા કરતા પણ ઓછા સમય પછી આવી છે, એવા સમયે, જ્યારે ઘણા લોકો અટકળો લગાવી રહ્યા છે કે ઈરાન પ્રત્યે બાઈડેનની વહીવટી નીતિઓ શું હશે ? બાઈડેને તેમના સમગ્ર ચૂંટણી પ્રચાર દરમ્યાન ર૦૧પના પરમાણુ કરાર પર પાછા ફરવાની ઈચ્છા વ્યક્ત કરી હતી. આ કરારને ર૦૧૮માં યુએસ દ્વારા તરછોડી દેવાયો હતો જ્યારે ટ્રમ્પે તેમાંથી એક પક્ષીય રીતે પીછેહઠ કરી હતી.