એશીઝમાં ઈંગલેન્ડના ક્રિકેટરોની કારકિર્દી ખતમ કરીશું. : લિયોન

સિડની, તા.ર૧
ઓસ્ટ્રેલિયન સ્પિનર નાથન લિયોને કહ્યું છે કે આગામી એશીઝ સિરીઝમાં તેની ટીમ ઈંગલેન્ડના ક્રિકેટરોની કારકિર્દી સમાપ્ત કરી દેશે. લિયોને ગત વખતના જોનસનના સ્પેલનો ઉલ્લેખ કર્યો જેણે ૩૭ વિકેટ ઝડપી હતી. ઓસ્ટ્રેલિયાએ તે સિરીઝ પ-૦થી જીતી હતી. બ્રિસ્બેનમાં ગુરૂવારથી શરૂ થઈ રહેલી પ્રથમ ટેસ્ટ પહેલાં લિયોને કહ્યું કે ઈંગ્લેન્ડની ટીમ હજી પણ જોનસનના તે હુમલાથી ડરેલી છે. તેણે કહ્યું કે ગત વખતે રૂટને અંતિમ ટેસ્ટમાંથી બહાર કરી દેવાયો હતો. આ વખતે પણ અમારો ઈરાદો આવો જ છે. તેણે કહ્યું કે ઈંગ્લેન્ડના ક્રિકેટરોને અમે ઘણા ઘા આપ્યા છે. હવે અમારી પાસે બે બોલર એવા છે જે ૧પ૦ કિલોમીટરની સ્પીડથી બોલિંગ કરે છે. આશા છે કે અમે આ વખતે અમુક કારકિર્દી સમાપ્ત કરીશું. ગત વખતે મેં આવું કર્યું ન હતું પણ જોનસને કર્યું હતું.