એ.આર.રહેમાને તેમના પ્રથમ મોટા પ્રોજેક્ટ રોઝાના પ્રકાશનના થોડા દિવસો પહેલા ઇસ્લામ ધર્મ સ્વીકાર્યા બાદ તેમનું નામ દિલીપકુમારથી બદલ્યું હતું. તેમના જન્મદિવસ પર, અહીં તેમની વ્યક્તિગત યાત્રા પર એક નજર છે

(એજન્સી) તા.૮
એ.આર.રહેમાન એવા ઘણા કલાકારોમાંથી એક છે કે જેમની પાસે સંઘર્ષની પીડાદાયક વાર્તા છે અને તેઓ સફળતાની સીડી પર એક સમયે એક પગથિયું ચડતા ગયા. ઓસ્કાર-વિજેતા એવા ખૂબ ઓછા લોકોમાંથી તેઓ એક છે. જેમણે ખરેખર ભારતને સંગીતની દુનિયામાં વૈશ્વિક નકશા પર મૂક્યું છે. જો કે, તેમના સંગીત ઉપરાંત, તેમનો ઇસ્લામમાં ધર્મપરિવર્તન આજે પણ ચર્ચાનો વિષય છે. એ.આર.રહેમાનનો જન્મ દિલીપકુમાર તરીકે થયો હતો, પરંતુ તેમણે તેમના પિતા, સંગીતકાર આર.કે.શેખરના મૃત્યુ પછી અને તેમના પ્રથમ મોટા પ્રોજેક્ટ રોઝાના પ્રકાશનના થોડા સમય પૂર્વે, તેમના પરિવાર સાથે ઇસ્લામ સ્વીકાર્યો હતો. તેમના મિત્ર ત્રિલોક નાયરે કૃષ્ણ ત્રિલોકને તેમના અધિકૃત જીવનચરિત્ર, નોટ્‌સ ઓફ ધ ડ્રીમમાં કહ્યું હતું કે રહેમાનની માતા કરીમા બેગમે છેલ્લી ઘડીએ ફિલ્મના ક્રેડિટમાં તેમનું નામ બદલવાનો આગ્રહ કર્યો હતો. તેણે કહ્યું, “છેલ્લી ઘડીએ આ ખૂબ મોટી વિનંતી હતી, પરંતુ તેણી આના વિશે ચોક્કસ હતા. તેણીએ કહ્યું હતું કે તે ખરેખર, તેમના માટે વ્યક્તિગત રૂપે મહત્વની બાબત છે. હકીકતમાં, તેણી ઇચ્છતા હતા કે તેમનું નવું નામ ક્રેડિટ્‌સ પર ન આવે તેના કરતાં તેમનું નામ બિલકુલ દેખાય જ નહીં.’’ રહેમાન પોતાની ધાર્મિક માન્યતાઓ અન્ય પર લાદવામાં માનતા નથી. તેમણે એક વખત એક મુલાકાતમાં હિન્દુસ્તાન ટાઇમ્સને કહ્યું હતું કે, “તમે કંઈપણ લાદી શકતા નથી. તમે તમારા પુત્ર કે પુત્રીને કંટાળાજનક હોવાના કારણે ઇતિહાસ ન લેવાનું કહી શકતા નથી, અને તેના બદલે અર્થશાસ્ત્ર અથવા વિજ્ઞાન લેવાનું કહો. આ વ્યક્તિગત પસંદગી છે.’’ રહેમાને કહ્યું કે ઘણા લોકો તેમને પૂછે છે કે શું તેઓ ઇસ્લામ ધર્મ પરિવર્તન કરવાથી સફળ બનશે પરંતુ તેઓ ચૂપ રહેવાનું પસંદ કરે છે. “તે ઇસ્લામ ધર્મ બદલવા વિશે નથી, તે સ્થળ શોધવા અને તે તમારામાં રહેલું બટન દબાવશે કે નહીં તે જોવા વિશે છે. આધ્યાત્મિક શિક્ષકો, સુફી શિક્ષકો, મને અને મારી મમ્મીને જે ખૂબ ખૂબ વિશેષ છે તે શીખવતા. દરેક ધર્મમાં વિશેષ વસ્તુઓ હોય છે, અને અમે આ પસંદ કરી છે. અને અમે તેની સાથે ઊભા છીએ.” તેમણે ઉમેર્યું, “પ્રાર્થના ખૂબ જ ફાયદાકારક છે. તેણે મને ઘણા પતનોથી બચાવી છે. પ્રાર્થનાઓ વચ્ચે, મને લાગે છે, ‘ઓહ, મારે પ્રાર્થના કરવાની છે, તેથી હું આ ખોટું કામ કરી શકું નહીં.’ અન્ય ધર્મોના લોકો પણ આ જ કરે છે અને શાંતિપૂર્ણ પણ છે. મારા માટે, આ કામ કરે છે!” રહેમાનની પુત્રી, ખદિજાની એક કાર્યક્રમમાં બુરખો પહેરવાને કારણે ટીકા કરવામાં આવી ત્યારે તેણીએ તેના પિતાને મદદ માટે બોલાવ્યા વગર મેદાનમાં દટેલી રહી. આ મામલે ટિપ્પણી કરવા કહેવા પર, રહેમાને ધ ક્વિન્ટને આપેલી મુલાકાતમાં કહ્યું કે, જો શક્ય હોત તો તેઓ પણ બુરખો પહેરતા. તેમણે કહ્યું, “પુરુષે બુરખો પહેરવાનો હોતો નથી, નહીં તો હું પણ પહેરતો. તમે જાણો છો, મને લાગે છે કે, તેણીને સ્વતંત્રતા મળી છે. કારણ કે તે એવી છે જે નોકરની માતા અથવા તેના સંબંધીના અંતિમ સંસ્કાર માટે પણ જાય છે. અને હું તેની સાદગી અને તે સામાજિક રીતે જે કરે છે તેનાથી અચંબિત થઈ જાઉં છું.’’
(સૌ. : હિન્દુસ્તાન ટાઇમ્સ)