કર્ણાટક ચૂંટણી : છ વખત કોંગ્રેસના ધારાસભ્ય રહી ચૂકેલા ગુટ્ટેદાર કોંગ્રેસ પાર્ટી છોડી ભાજપમાં જોડાયા

(એજન્સી) બેંગલુરૂ, તા.૩૦
કોંગ્રેસ પાર્ટીને એક મોટો ફટકો પડ્યો છે. કોંગ્રેસ પાર્ટીના સિનિયર ધારાસભ્ય મલિકય્યા વૈકયા ગુટ્ટેદારે પાર્ટી છોડીને ભાજપમાં જોડાઈ ગયા છે. કલબુર્ગી જિલ્લાના અફઝલપુરમાંથી છ વખત ધારાસભ્ય રહી ચૂકેલા ગુટ્ટેદારે પાર્ટીમાં તેમને ઉપેક્ષા કરવાને લઇ તેમને આ પગલું ભર્યું હતું. તેઓને મંત્રી પદ માટે તેમના નામ પર વિચાર ન કરવાને લઇ નારાજ હતા. ગુટ્ટેદારે કર્ણાટકના ભાજપ અધ્યક્ષ બીએસ યેદુરપ્પા સાથે તેમના નિવાસસ્થાને મુલાકાત કરી હતી. અને કહ્યું કે, ટૂંક સમયમાં તે ધારાસભ્યના પદેથી રાજીનામુ આપી ભાજપમાં સામેલ થશે.