જામનગરની જી.જી.હોસ્પિટલમાં સ્વાઈનફ્લૂના ૧૧ દર્દીઓ : બે ગંભીર

જામનગર, તા.૧૯
જામનગરમાં સ્વાઈનફ્લૂનો કહેર યથાવત્‌ જળવાઈ રહ્યો છે. હાલ પણ આઈશોલેશન વોર્ડમાં ૧૧ દર્દીઓ સારવાર હેઠળ છે તેમાંથી બે દર્દીઓની તબિયત ગંભીર ગણાવાઈ રહી છે.ઠંડીના સહારે વધુ વકરતી સ્વાઈનફ્લૂની મહામારીએ આ સિઝનમાં જામનગરને રીતસર ધમરોળ્યું છે. ગત સપ્તાહમાં જ જામનગરની હોસ્પિટલમાં પાંચ દર્દીના મૃત્યુ થયા હતા.આજની સ્થિતિએ પણ જામનગરની જી.જી. હોસ્પિટલના આઈશોલેશન વોર્ડમાં ૧૧ દર્દીઓ સારવાર હેઠળ છે. તેમાંથી બે દર્દીઓની હાલત નાજુક ગણાવાઈ રહી છે. એકંદરે દરરોજ એક-બે દર્દીને રજા આપવામાં આવે છે તો દરરોજ નવા દર્દીઓ આ રોગમાં સપડાઈ રહ્યા છે અને હોસ્પિટલમાં સારવાર માટે આવી રહ્યા છે.