જૂનાગઢ,તા.ર૪
જૂનાગઢ શહેરમાં આવેલ બીએએમએસ સરકારી કોલેજમાં અભ્યાસ કરીને સંધી મુસ્લિમ સમાજની તેજસ્વીની વિદ્યાર્થિની ડો.નિદા હાસમભાઈ જુણેજાએ બીએએમએસ ફાયનલ વર્ષમાં ૭૩ ટકા મેળવીને ડોકટર બનવાની સાથે ઝળહળતી સિધ્ધી પ્રાપ્ત કરતા સમગ્ર મુસ્લિમ સમાજનું ગૌરવ વધારેલ છે. ડો.નિદા જુણેજાએ બીએએમએસના દરેક વર્ષમાં ઉચ્ચું મેરીટ મેળવવાની સાથે હિમાલિયા મેડીસીન કવીઝમાં ટોપર રહીને સેકન્ડ રેન્ક મેળવેલ હતો. તેઓ પતંજલિ હરિદ્વારમાં પણ સરકાર દ્વારા યોજાયેલ મેડિસીન કવીઝમાં પસંદગી પામીને પ્રમાણપત્ર મેળવેલ છે. હાલ તેઓ આયુર્વેદમાં એમડી ડિગ્રીની તૈયારી કરી રહ્યા છે. ડો. નિદા જુણેજાની જવલંત સિધ્ધીથી સુન્ની સંધી મુસ્લિમ સમાજ જૂનાગઢના પ્રમુખ ડો. હારૂનભાઈ વિહળ તેમજ તમામ ટ્રસ્ટી તરફથી ડો. નિદા જુણેજા અને તેમના પરિવારને શુભેચ્છા પાઠવવામાં આવી છે.