ડીસામાં હિંદુ યુવા સંગઠનની સેવાકીય પ્રવૃત્તિ પાંચ વર્ષથી એકલવાયું જીવન જીવતા વૃદ્ધ પિતા અને દીકરીને મળ્યું નવજીવન

ડીસા, તા.૧૧
ડીસામાં હિન્દુ યુવા સંગઠન દ્વારા ઉમિયાનગર પાસે આવેલ એક કોમ્પલેક્ષની બહાર એક તૂટેલી કોટડીમાં છેલ્લા પાંચ વર્ષથી દારૂણ સ્થિતિમાં રહેતા અશક્ત વૃદ્ધ તેમની માનસિક રીતે વિકલાંગ દીકરી સાથે કોઈ જ આશ્રય કે આવક વિના આસપાસના લોકોના સહારે લાચાર જીવન પસાર કરતા હતા. જો કે આ વાતની જાણ હિન્દુ યુવા સંગઠનના યુવાનોને થતાં તેઓ દોડી આવ્યા હતા અને નાની કોટડીમાં અતિકરૂણ અને ગંદકીથી લથપથ હાલતમાં લાચાર જીવન ગુજારતા જોઈ તેઓ દ્રવી ઉઠ્યા હતા અને આ બન્ને પિતા- દીકરીને સ્નાન કરાવી, વાળ કાપી, ચંપલ અને કપડાં પહેરાવીને સ્વચ્છ બનાવી શુદ્ધ ભોજન કરાવી તેમની કાયમી સારસંભાળ માટે ડીસામાં આવેલા સુદામા વૃધ્ધાશ્રમ ખાતે મૂકી ખૂબ જ ઉત્તમ માનવતાવાદી કાર્ય કરી સેવાનું અનોખું ઉદાહરણ પૂરૂં પાડ્યું છેે.