ડોર ટુ ડોર ગાર્બેજ કલેક્શન માટે અંકલેશ્વર પાલિકાએ ખરીદેલા ત્રણ ટેમ્પો ધૂળ ખાઈ રહ્યા છે !!

અંકલેશ્વર, તા.૧૧
અંકલેશ્વર નગરપાલિકા વારંવાર વિવાદમાં સપડાય છે નગરપાલિકા અગાઉ માર્ગ સફાઈ માટેના મશીનના પગલે વિવાદમાં આવી હતી, જે બાદ નગરપાલિકા ફરી વિવાદોમાં સપડાઈ છે. અંકલેશ્વર નગરપાલિકા તંત્ર દ્વારા સાફ-સફાઈમાં મદદરૂપ થાય તે માટે રૂા.૪૨ લાખના ખર્ચે ત્રણ ટેમ્પોની ખરીદી કરી હતી. જે ટેમ્પો હાલ ધૂળ ખાતા નજરે પડ્યા હતા, ત્યારે ડોર ટુ ડોર ગાર્બેજ કલેક્શન માટે ખરીદી કરેલ ટેમ્પો ધૂળ ખાતા નજરે પડતાં વિપક્ષના નગરસેવક જાહાંગીર પઠાણે પાલિકાના સત્તાધીશો મન મરજી મુજબ ગ્રાંટમાંથી ખરીદી કરતાં હોવાના આક્ષેપ કરી ટેમ્પોના ખરીદીમાં પણ ખાઈકી થઈ હોવાના આક્ષેપ કર્યા છે. ત્યારે અંકલેશ્વર નગરપાલિકા શું કામ ગ્રાંટનો યોગ્ય ઉપયોગ કરતી નથી તેવા સવાલો ઊભા થયા છે.