(એજન્સી) નવી દિલ્હી, તા.૨૭
કેન્દ્રએ સુપ્રીમ કોર્ટને માહિતી આપી છે કે દેશમાં કોરોના વાયરસના લગભગ ૭૭ ટકા કેસ ૧૦ રાજ્યોના છે. એવા રાજ્યોમાં કે જ્યાં કોરોના વાયરસના વધુ કેસો છે તેમાં મહારાષ્ટ્ર, કેરળ, દિલ્હી, પશ્ચિમ બંગાળ, કર્ણાટક, ઉત્તર પ્રદેશ, રાજસ્થાન, છત્તીસગઢ, હરિયાણા અને આંધ્ર પ્રદેશ છે. દેશના કુલ કેસોમાં મહારાષ્ટ્રનો હિસ્સો ૧૮.૯ ટકા છે. કેરળમાંથી ૧૪.૭ અને દિલ્હીથી ૮.૫ ટકા કેસ છે. પશ્ચિમ બંગાળમાંથી ૫.૭ ટકા એક્ટિવ કોરોના વાયરસ અને કર્ણાટકમાં ૫.૬ ટકા કેસ છે. કેન્દ્ર સરકારે સુપ્રીમ કોર્ટને એમ પણ કહ્યું હતું કે ભારત કોરોનો વાયરસના ચેપને શોધવા માટે દરરોજ લગભગ ૧૦ લાખ કોવિડ ૧૯ ટેસ્ટ કરી રહ્યું છે. તે જ સમયે, કોર્ટે કહ્યું કે હવે એવો સમય આવી ગયો છે કે ભારતમાં કોરોના વાયરસના ચેપના વધતા જતા કેસોને રોકવા માટે નીતિઓ, માર્ગદર્શિકા અને ધોરણસરની સ્ટાન્ટટરેટિંગ કાર્યવાહીના અમલ માટે કડક પગલાં ભરવા જોઈએ. કેન્દ્રએ કહ્યું કે કોરોનાની વર્તમાન લહેર પહેલાં કરતા વધુ તીવ્ર લાગે છે, તેથી કોર્ટે કહ્યું કે, કડક કાર્યવાહી કરવાની જરૂર છે. કોવિડ -૧૯ મહામારીની પરિસ્થિતિનો સામનો કરવા રાજ્યોએ પરિસ્થિતિ સામે લડવું પડશે અને રાજકારણથી ઉપર ઉતરવું પડશે. ખંડપીઠે આ કેસની આગામી સુનાવણી માટે ૧ ડિસેમ્બરની તારીખ નક્કી કરી છે.
આરોગ્ય અને કુટુંબ કલ્યાણ મંત્રાલયે અહેવાલ મુજબ, ભારતના એક્ટિવ કેસ આજે ૪,૫૧,૫૮૧ પર છે. હાલમાં ભારતના કુલ પોઝિટિવ કેસનાં આ સમયે ૪.૮૯ ટકા કેસો એક્ટિવ કેસ છે. કુલ અક્ટિવ કેસમાંથી ૭૦ ટકા (૬૯.૫૯ ટકા) આઠ રાજ્યો / કેન્દ્રશાસિત પ્રદેશો એટલે કે મહારાષ્ટ્ર, કેરળ, દિલ્હી, રાજસ્થાન, ઉત્તર પ્રદેશ, કર્ણાટક, પશ્ચિમ બંગાળ અને છત્તીસગઢના છે. આજની તારીખે, મહારાષ્ટ્ર કોવિડનાં કુલ, ૮૭,૦૧૪ એક્ટિવ કેસ સાથે ટોચ પર છે. કેરળમાં, ૬૪,૬૧૫ એક્ટિવ કેસ છે જ્યારે દિલ્હીમાં એક્ટિવ ૩૮,૭૩૪ એક્ટિવ કેસ છે.