ડોલર કમાવાના સપના જોતા દંપતીને એક ભૂલ ભારે પડી
અમદાવાદ એરપોર્ટથી પકડાયેલ મહેસાણાના દંપતીએ કબૂલ્યું કે, એજન્ટને રૂા.૧.ર૦ કરોડ આપવાના હતા

અમદાવાદ, તા.રર
અમેરિકામાં જવું અને ડોલરમાં રૂપિયા કરાવવાનું કોને ના ગમે ? પણ અમેરિકા જવા માટે નકલી વિઝા કઢાવવા એ ખોટું છે. ડોલર કમાવાના સપના જોતા એક દંપતીએ નકલી વિઝા કઢાવવાની ભૂલ કરી અને અમેરિકાના બદલે સીધા જેલના હવાલે થઈ ગયા. અમદાવાદ એરપોર્ટ પરથી નકલી વિઝા સાથે પકડાયેલા દંપતીએ કબૂલાત કરી છે કે, અમેરિકા પહોંચ્યા બાદ એજન્ટને રૂા.૧.ર૦ કરોડ આપવાના હતા.
વિગતવાર વાત કરીએ તો અમદાવાદ ર્જીંય્એ મહેસાણાના રહેવાસી એવા એક દંપતી રાજેશ પટેલ અને સોનલ પટેલની ધરપકડ કરી છે. આ બંને ગત ૧૯ ડિસેમ્બરના રોજ અમદાવાદથી અમેરિકા જવા નીકળી રહ્યા હતા ત્યારે એરપોર્ટ પર ઇમિગ્રેશન દ્વારા તપાસ કરતા જાણવા મળ્યું કે, આ વિઝા નકલી છે જેથી બંનેને પકડી પોલીસને સોંપવામાં આવ્યા હતા. પોલીસે બંનેની ધરપકડ કરી તપાસ શરૂ કરી તો જાણવા મળ્યું કે, એક અજેન્ટ વિશ્વજીત પટેલ નામના વ્યક્તિએ આ નકલી વિઝા બનાવી આપ્યા હતા.
પોલીસની તપાસમાં સામે આવ્યું છે કે, આરોપી વિશ્વજીત પટેલે આ દંપતી પાસેથી ૧૦ લાખમાં નકલી વિઝાની વાત કરી હતી અને એવી પણ વાત સામે આવી છે કે, આ દંપતી અમેરિકા પહોંચી જાય ત્યારબાદ ૧.૨૦ કરોડ દંપતી પાસેથી એજેન્ટને લેવાના હતા, પરંતુ તે પહેલાં આ લોકો પકડાઈ ગયા છે.
જો કે, હાલ તો અમેરિકાની ટિકિટના રૂપિયા પણ વિશ્વજીત પટેલે કરી આપવાની વાત પણ સામે આવી છે. નોંધનીય છે કે, હાલ તો આ મામલે દંપતીની ધરપકડ કરવામાં આવી છે અને વિશ્વજીતને નજરકેદ કરવામાં આવ્યા છે, અને તેની તપાસમાં સામે આવશે કે, આ સિવાય તેને અન્ય કેટલા લોકોને આવી રીતે વિદેશ મોકલ્યા છે.