(સંવાદદાતા દ્વારા) ખેડા, તા.૨૭
ખેડા-માતર રોડ ઉપર આવેલી શેઢી નદીમાં બે મજૂરો હાથ-પગ ધોવા ઊતરતા લપસી જતા ડૂબી ગયા હતા. અત્રે પ્રાપ્ત થયેલી માહિતી મુજબ ખેડા-માતર રોડ ઉપર આવેલી શેઢી નદીમાં બે દારૂડિયા મજૂર મિત્રો દારૂના નશામાં લગભગ ૧૧ વાગ્યાના સુમારે નદી કિનારે હાથ-પગ ધોવા ગયા હોવાનો લોકોનું અનુમાન છે, તેમાંના એકનો પગ લપસી જતા અન્ય મિત્ર તેને ખેંચવા જતા એ પણ એકાએક પાણીમાં ગરકાવ થઈ ગયો હતો. બંને મિત્રોના ડૂબી જતા કરૂણ અંજામ આવ્યો હતો. તેમની લાશ સ્થાનિક લોકોને ચાર કલાકના અંતે હાથ લાગતા ખેડા સિવિલ હોસ્પિટલમાં લાવવામાં આવ્યા હતા. બંનેની ઓળખ થઈ જવા પામી હતી. જેમાં કાનજીભાઈ છોટાભાઈ રાવળ (ઉ.વ.૩૦) (રહે.હરિયાણા) અને અન્ય પ્રવીણભાઈ બાબુભાઈ રાવળ હોવાનું જાણવા મળ્યું છે.