ન્યુઝીલેન્ડ સામેની ટેસ્ટમાં જોફ્રા આર્ચર વંશીય ટિપ્પણીનો શિકાર બન્યો

ઑકલેન્ડ, તા.૨૫
ઈંગ્લેન્ડ-ન્યૂઝીલેન્ડ વચ્ચે રમાયેલી ટેસ્ટમાં ઈંગ્લેન્ડનો એક ઈનિંગ અને ૬૫ રનથી પરાજય થયો હતો. મેચના છેલ્લા દિવસે એક ઘટના બની હતી. ઈંગ્લેન્ડનો ફાસ્ટ બોલર જોફ્રા આર્ચર જ્યારે બટિંગ કરતો હતો ત્યારે તેના પર એક પ્રેક્ષકે વંશીય ટિપ્પણી કરી હતી. આ અંગે જોફ્રા આર્ચરે ટિ્‌વટ કરીને જાણકારી આપી હતી.આર્ચરે ટિ્‌વટ કરીને લખ્યું, “જ્યારે હું મારી ટીમને હારથી બચાવવા માટે બેટિંગ કરતો હતો ત્યારે એક વ્યક્તિએ વંશીય દુર્વ્યવહાર કર્યો. પરંતુ બાર્મી આર્મીએ હંમેશાની જેમ સારો વ્યવહાર કર્યો. યજમાન ટીમે મેચમાં ઈંગ્લેન્ડને ઈનિંગ અને ૬૫ રનથી હાર આપી હતી.આર્ચરના ટિ્‌વટ બાદ ન્યૂઝીલેન્ડ ક્રિકેટ એસોસિએશને એક નિવેદન બહાર પાડીને કહ્યું, અમે જોફ્રા આર્ચરની માફી માંગીશું. મામલાની તપાસ શરૂ કરી દેવામાં આવી છે. મેદાન પર હાજર સુરક્ષાકર્મી તે વ્યક્તિની ઓળખ કરી શક્યા નથી, તેથી સીસીટીવી ફૂટેજ પણ ચેક કરવામાં આવશે. એસોસિએશન મેદાન પર આ પ્રકારનો વ્યવહાર ચલાવી શકે નહીં. જરૂર પડશે તો પોલીસને પણ તપાસમાં સામેલ કરવામાં આવશે.