(સંવાદદાતા દ્વારા)
અમદાવાદ,તા.૨૨
વર્ષ ૨૦૧૯ રાજ્યસભાની ચુંટણીમાં ભાજપના જયશંકર ઐયર અને જુગલજી ઠાકોર સામે કોંગ્રેસના પરેશ ધાનાણી અને ચંદ્રિકા ચુડાસમા દ્વારા કરવામાં આવેલી જીતને પડકારતી પીટીશનને રદ કરવા માટે કરાયેલી અરજીના સંદર્ભમાં હાઈકોર્ટ સમક્ષ પરેશ ધાનાણી અને ચંદ્રિકા ચુડાસમા તરફે સોંગદનામું રજુ કરવામાં આવ્યું હતું. જેમાં ભાજપના બંને ચુંટાયેલા સભ્યો તરફે પીટીશન રદ કરવાની માંગને ખોટી અને પાયાવિહોણી ગણાવી હતી. પરેશ ધાનાણી અને ચંદ્રિકા ચુડાસમા તરફે હાઈકોર્ટમાં દાખલ કરાયેલા સોંગદનામાં દલીલ કરવામાં આવી છે કે તેમની પીટીશન રદ કરવા મટે કરાયેલી અરજીમાં તથ્યો અને વિગતો નથી એ વાત ખોટી છે. જયશંકર ઐયર અને જુગલજી ઠાકોરની જીત રદ કરવા માટે મૂળ પીટીશનમાં ૫ પાનાના કારણો અને વિગતો આપવામાં આવ્યા છે. સુપ્રિમ કોર્ટે બેથી વધું રાજ્યોમાં અલગ અલગ ચુંટણીના ઠરાવને કાયદેસરતા આપી ન હોવા છતાં લાગુ કરવામાં આવ્યો હોવાનો સોંગદનામાં દાવો કરવામાં આવ્યો છે. સોંગદનામાં દાવો કરવામાં આવ્યો છે કે ભાજપના બંને નેતાઓ દ્વારા કોઈ ગેરરીતિ આચરવામાં આવી નથી પરતું ચુંટણી પંચે કાયદાના નિયમોને અનુસર્યા નથી.
એક પીટીશનમાં બે જુદી જુદી જીતને પડકરાવામાં આવી હોવાની વાત ખોટી હોવાનો દાવો કરવામાં આવ્યો છે. ઉલ્લેખનીય છે કે ગૈરવ પંડયાએ જયશંકર ઐયર અને ચંદ્રિકા ચુડાસમાએ જુગલજી ઠાકોરની જીતને પડકારતી રિટ દાખલ કરી છે. પાંચમી જુલાઇના રોજ યોજાયેલી રાજ્યસભા ચૂંટણીમાં કોંગ્રેસના ગૌરવ પંડયાનો ભાજપના એસ. જયશંકર સામે પરાજય થયો હતો અને કોંગ્રેસના ચંદ્રિકાબહેન ચુડાસમાનો ભાજપના જુગલજી ઠાકોર સામે પરાજય થયો હતો. ગૌરવ પંડયાએ એક પિટિશનમાં એસ જયશંકર તેમજ બીજી પિટિશનમાં એસ. જયશંકર અને જુગલજી ઠાકોરની જીતને પડકારી છે. ચંદ્રિકાબહેન ચુડાસમાએ આવી જ રીતે એક પિટિશન જુગલજી ઠાકોર અને બીજી પિટિશન જુગલજી ઠાકોર અને એસ. જયશંકર સામે કરી છે. વિરોધપક્ષના નેતા પરેશ ધાનાણી આ ચૂંટણીમાં મતદાર હોવાથી તેમણે એક પિટિશનમાં તેણે એસ. જયશંકરની જીત પડકારી છે, બીજીમાં જુગલજી ઠાકોરની જીત પડકારી છે અને ત્રીજી પિટિશમાં બન્ને ઉમેદવારોની જીતને સંયુક્ત રીતે પડકારવામાં આવી છે. આ પિટિશનો એક જ જજ સમક્ષ મૂકવાનો આદેશ કાર્યકારી ચીફ જસ્ટિસે આપતા શુક્રવારે આ સાતેય પિટિશનો જસ્ટિસ બેલાબહેન ત્રિવેદી સમક્ષ મૂકવામાં આવી હતી.