(એજન્સી) પટના, તા.ર૩
બિહારના ગયામાં મિત્રો સાથે દારૂની મહેફિલ માણતા ભાજપ સાંસદ હરિ માંજીના પુત્ર રાહુલની પોલીસે ધરપકડ કરી છે. ધરપકડ પોલીસે રાહુલની મેડિકલ તપાસ કરાવી હતી. તપાસમાં રાહુલે દારૂ પીધો હોવાની પુષ્ટિ થઈ હતી. પોલીસે જણાવ્યું કે, રાહુલને કોર્ટ સમક્ષ હાજર કરવામાં આવ્યો હતો ત્યાંથી તેને જેલ મોકલવામાં આવ્યો હતો. બિહારમાં વર્ષ ર૦૧૬માં મુખ્યમંત્રી નીતિશકુમારે દારૂબંધીનું એલાન કર્યું હતું ત્યારબાદ રાજ્યોમાં દારૂ પર પ્રતિબંધ છે તેમ છતાં દારૂના ઉલ્લંઘનના મામલા સતત પ્રકાશમાં આવી રહ્યા છે. પોલીસના જણાવ્યા મુજબ બાતમી મળ્યા બાદ બોધગયા પોલીસ સ્ટેશનના નીમ ગામમાંથી નશાની હાલતમાં આ લોકોની શનિવારે ધરપકડ કરવામાં આવી હતી ત્યારબાદ બ્રિધ એન્લાઈઝર અને મેડિકલ તપાસ બાદ તેમને કોર્ટમાં હાજર કરવામાં આવ્યા. કોર્ટે આરોપીને જેલમાં મોકલવાનો આદેશ આપ્યો હતો. ગયા સાંસદ હરિ માંજીએ પુત્ર રાહુલની ધરપકડને રાજકીય કાવતરું ગણાવ્યું છે.