(એજન્સી) પૂણે, તા.૧૫
મહારાષ્ટ્રમાં પહેલી કોરોના સ્પેશ્યલ હોસ્પિટલ પૂણેમાં તૈયાર થઈ ગઈ છે. સસૂન હોસ્પિટલ પરિસરમાં આવેલી આ ૧૧ માળની ઈમારતનું નિર્માણ કાર્ય ૨૦૦૮ થી કામ ચાલી રહ્યું હતું. આ વર્ષે માર્ચ સુધી ૭૫ ટકા કામ પુરું થઈ ગયું હતું. બાકીનું એક વર્ષની અંદર થવાનું હતું. પરંતુ કોરોનાની ઈમરજન્સીને ધ્યાનમાં રાખીને માત્ર ૧૫ દિવસમાં બાકીનું કામ પુરું કરી લીધું છે. હોસ્પિટલમાં ૭૦૦ બેડની વ્યવસ્થા છે, સોમવારે આમાં ૭૦થી વધું કોરોના દર્દીઓને શિફ્ટ પણ કરવામાં આવ્યા છે.
પીડબલ્યુડીના અધીક્ષક રાજેન્દ્ર રહાણએ જણાવ્યું કે, માર્ચમાં જ્યારે અમે આ ઈમારતના નિર્માણના કાર્યને વેગ આપવાનો નિર્ણય કર્યો, ત્યારે પ્લાસ્ટર, પેઈન્ટિંગ, પ્લમ્બર, લિફ્ટનું કામ બાકી હતું. સાફ સફાઈ, અંડરગ્રાઉન્ડ પાઈપલાઈન, પાણીની પાઈપલાઈન, મેડિકલ ગેસની પાઈપલાઈન અને આ પ્રકારની અન્ય વ્યવસ્થાઓને યુદ્ધ સ્તરે પુરી કરવામાં આવી છે.લોકડાઉનના કારણે કામમાં અડચણ આવી રહી હતી તો ઘરે ઘરે જઈને લોકોને લાવવા અને ૧૫ દિવસની અંદર પેઈન્ટીંગ સાથે જ લિફ્ટ લગાવવાનું કામ પણ પુરૂં કરવામાં આવ્યું હતું.
નાગાલેન્ડમાં બે દિવસ પહેલા કોરોનાનો પહેલો કેસ આવ્યો છે. ત્યારબાદ ત્યાંના ડોક્ટર પંકજ ગુપ્તાએ દર્દીની કહાણીનો વીડિયો ટ્‌વીટર પર પોસ્ટ કર્યો હતો. તેમણે પીએમઓને પણ ટેગ કર્યો કે બે કલાકમાં જ તેમની પર ફોન આવ્યો હતો અને પાંચ કલાક બાદ જ દીમાપુર અને કોહિમામાં સેન્ટર બનાવવાની કવાયત શરૂ થઈ ગઈ. નાગાલેન્ડ સ્વાસ્થ્ય મંત્રી એસપી ફોમે જણાવ્યું કે, બે સેન્ટર બનાવાઈ રહી છે.