(સંવાદદાતા દ્વારા)
મોડાસા, તા.૭
બાયડના મિર્જા પાર્કમાં રહેતી મહિલા સવારે દૂધ લેવા જતા સત્યમ સોસાયટી નજીક રોડ બાજુમાં ઉભા હતા ત્યારે ટ્રકે ટક્કર મારતા રોડ પર પટકાયેલ મહિલા પર ટ્રકના ટાયર ફરી વળતા મહિલાનું ઘટનાસ્થળે કમકમાટી ભર્યું મોત નીપજ્યું હતું ટ્રક ચાલક ટ્રક લઈ ફરાર થઈ જતા અકસ્માતના પગલે દોડી આવેલ પોલીસે મૃતક મહિલાની લાશને પીએમ માટે ખસેડી કાયદેસરની કાર્યવાહી હાથધરી હતી અકસ્માતના પગલે દોડી આવેલ મહિલાના પરિવારજનોએ ભારે આક્રંદ કરી મુકતા વાતાવરણમાં ભારે ગમગીની છવાઈ હતી અન્ય એક બનાવમાં માલપુરના વાલ્મીકી ફળિયામાં ધાબા પર રમતી બાળકી અકસ્માતે નીચે પટકાતા શરીરે ગંભીર ઈજાઓ પહોંચતા સારવાર અર્થે ખસેડાઈ હતી બાયડના મિર્જા ફાર્મમાં રહેતા શહેનાજબેન રસીદમિયાં ચૌહાણ સવારે દૂધ લેવા નીકળ્યા હતા બાયડ-મોડાસા હાઈવે પર આવેલી સત્યમ સોસાયટી આગળ રોડ ક્રોસ કરવા ઉભા હતા ત્યારે ત્યાંથી પસાર થતા ટ્રકે અડફેટે લેતા મહિલાના શરીરે ગંભીર ઈજાઓ પહોંચતા સ્થળ પર જ પ્રાણપંખેરું ઉડી ગયું હતું ટ્રક ચાલક મહિલાને અડફેટે લઈ નાસી છૂટ્યો હતો અકસ્માતની ઘટનાના પગલે મોટી સંખ્યામાં આજુબાજુથી લોકો ઉમટતા હાઈવે પર ટ્રાફિકજામ સર્જાયો હતો અકસ્માતના પગલે પરિવારજનો દોડી આવ્યા હતા બાયડ પોલીસે ઘટનાસ્થળે પહોંચી ટ્રાફિક પુર્વરત કરાવી મૃતક મહિલાની લાશને પીએમ માટે દવાખાને ખસેડી સાબીરમીયા યાસીનમીયા ચૌહાણની ફરિયાદના આધારે અજાણ્યા ટ્રક ચાલાક વિરુદ્ધ અકસ્માતે મોતનો ગુન્હો નોંધી ઝડપી પાડવા ચક્રો ગતિમાન કર્યા હતા.