(એજન્સી) તા.૫
મિસર અને ઈરાકે ન્યાયપાલિકા તાલીમ, તેલ અને જળ સંસાધન, સ્ટોક એક્સચેન્જ અને પર્યાવરણ સંરક્ષણ સહિત ક્ષેત્રોમાં પોતાના દ્વિપક્ષીય સંબંધોને વધારવા માટે સમજૂતી જ્ઞાપન (એમઓયુ) અને સહયોગ પ્રોટોકોલ પર હસ્તાક્ષર કર્યા. બંને દેશોએ ઈરાકી વડાપ્રધાન મુસ્તુફા અલ-કદીમી અને તેમના મિસરના સમકક્ષ મુસ્તફા મધબોલીની હાજરીમાં બગદાદમાં સમજૂતી પર હસ્તાક્ષર કર્યા, જેમણે મિસર-ઈરાકી ઉચ્ચ સમિતિની સહ-અધ્યક્ષતા કરી. સમજૂતીમાંથી એક તેલ માટે પુનઃનિર્માણ સોદો હતો. જેમાં મિસરની કંપનીઓ તેલના બદલામાં વિકાસ યોજનાઓને અંજામ આપશે, મિસરના સ્વતંત્ર મુજબ દેશોએ આરોગ્ય, ડ્રગ્સ, દરિયાઈ વહન અને પુલ વિકાસ, આવાસ અને નિર્માણ પ્રદર્શની સંગઠન સબસિડી અને ડમ્પીંગ, ઔદ્યોગિક સહયોગ, ગ્રાહક સંરક્ષણ અને રોકાણથી સંબંધિતથ સમજૂતી જ્ઞાપનો પર પણ હસ્તાક્ષર કર્યા. અલ-કાદિમીના મીડિયા કાર્યાલયે જણાવ્યું કે બગદાદ નવી સમજૂતી માટે પ્રતિબદ્ધ છે અને ઈરાકમાં મિસરની કંપનીઓ માટે રોકાણની તકોમાં સુધારા વિશે ગંભીર છે. વડાપ્રધાને મિસરના વેપારીઓને ઈરાકમાં રોકાણ કરવા માટે પણ બોલાવ્યા. વડાપ્રધાન મધબોલીએ ઈરાકી કેબિનેટની સમક્ષ એક ભાષણને સંબોધિત કરતા જણાવ્યું કે, આજે અમે મેસોપોટામિયાની જમીન પર ઈરાક માટે એકજૂથતા અને અભિનંદનના સંદેશ લાવે છે. જે પોતાના લોકોના સાહસ અને બલિદાનથી દૂર આતંકવાદ પર વિજય મેળવવા માટે અને તેનાથી બહાર આવવામાં સફળ રહ્યા. આસન્ન વૈશ્વિક જોખમ જે વિશ્વના તમામ દેશો અને સમાજો માટે જોખમ છે. અલ-કદીમી અને મેધબોલી પૂર્વમાં જોર્ડનની રાજધાની અમાનમાં ઓગસ્ટમાં સંબંધોને મજબૂત કરવા પર ચર્ચાના ભાગ તરીકે મળ્યા હતા. જોર્ડનની સાથે બંને દેશોએ પાછલા વર્ષે માર્ચમાં દ્વિપક્ષીય સંબંધોને વધારવા પર સંમતી વ્યક્ત કરી, જ્યારે ઈરાકના પૂર્વ વડાપ્રધાન આદિલ અબ્દુલ મહેંદીએ જોર્ડનના કિંગ અબ્દુલ્લાહ અને મિસરના રાષ્ટ્રપતિ અબ્દુલ ફતહ અલ-સીસી સાથે કાહિરામાં મુલાકાત કરી.