મોડાસાના સહયોગ ચોકડી નજીક ગર્ભવતી યુવતી પર કન્ટેનર ફરી વળતા કમકમાટી ભર્યું મોત

પિતાને બર્થ-ડે વિશ કરવા દંપતિ એક્ટિવા પર નીકળ્યું હતું ત્યારે કન્ટેટર ચાલકે અડફેટે લેતા મોત

મોડાસા, તા.ર૧
બાલાસિનોરથી કૃપા પાર્થ ભાવસાર તેના પતિ સાથે મોડાસા રહેતા તેના પિતા સુમનભાઈ એમ ભાવસારનો જન્મ દિવસ હોવાથી દંપતી બર્થડે વિશ કરવા રવિવારે આવ્યું હતું સોમવારે બર્થડેના દિવસે પિતાને બર્થડેની ઉજવણી માટે હોટલમાંથી ફૂડ લઇ એક્ટિવા પર પરત ફરતા સમયે સહયોગ ચોકડી નજીક દંપતીની એક્ટિવાને ટ્રક-કન્ટેનરે અડફેટે લેતા કૃપા ભાવસાર ટ્રક-કન્ટેનરના ટાયર નીચે આવી જતા કચ્ચરઘાણ નીકળી ગયો હતો અને ઘટનાસ્થળે જ કૃપાનું ઘટનાસ્થળે કમકમાટીભર્યું મોત નિપજતા નવ દંપતિ નંદવાયું હતું યુવતીના પતિને સામાન્ય ઈજાઓ પહોંચતા સારવાર અર્થે દવાખાને ખસેડાયો હતો. અકસ્માતની ઘટનાના પગલે લોકોના ટોળેટોળા ઘટનાસ્થળે ઉમટી પડ્યા હતા. ટ્રક-કન્ટેનર ઘટનાસ્થળે મૂકી ફરાર થઈ ગયો હતો. કૃપા ભાવસારના એક વર્ષ અગાઉ બાલાસિનોરના યુવક સાથે લગ્ન થયા હતા. લગ્નસંસારના સુખી ભાગરૂપે કૃપાને ચાર મહિનાનો ગર્ભ હોવાની માહિતી પ્રાપ્ત થઇ હતી અકસ્માતની ઘટનાના પગલે ભાવસાર સમાજમાં ભારે શોકની લાગણી છવાઈ હતી યુવતીના પરિવારજનોએ ભારે રૉક્કો કળ કરી મુકતા વાતાવરણમાં ભારે ગમગીની છવાઈ હતી.
સહયોગ બાયપાસ ચોકડી પર અકસ્માતમાં યુવતિનું મોત નિપજતા લોકોના ટોળેટોળા ઉમટ્યા હતા અને સર્કલ બનાવવાની ઉગ્ર માંગ કરી હતી અકસ્માતની ઘટનાના પગલે પોલીસ તાબડતોડ ઘટનાસ્થળે પહોંચી મૃતક યુવતીની લાશને પીએમ માટે સરકારી દવાખાને ખસેડી કાયદેસરની કાર્યવાહી હાથ ધરી હતી.