રેતી ખનનના મામલે અદાણીને ભરૂચ કલેક્ટર દ્વારા ૧૬.૨૮ કરોડનો દંડ

(સંવાદદાતા દ્વારા) ભરૂચ, તા.૨૯
દહેજમાં અદાણી પાવર લિમિટેડ કં૫નીએ સુવા ગામની નર્મદા નદીમાંથી ગેરકાયદેસર રીતે રેતી ખનન કરી લાખો મેટ્રિક ટન રેતી ઉલેચી લઇ મેદાનોમાં પાથરવા સામે સેવા ગામના જ રમણભાઇ ગોહિલ અને ઇન્ટરનેશનલ હ્યુંમન રાઇટસ ભરૂચના જો.ડિરેક્ટર રાજેશ પંડિતે જિલ્લા કલેકટરમાં ફરિયાદ દાખલ કરતા ભરૂચ જિલ્લા કલેકટર સંદીપ સાગલેએ સોપેલી તપાસમાં ગેરકાયદેસર રેતી ખનન સાબિત થતાં અદાણી કં૫નીને ૧૬.ર૮ કરોડનો દંડ ફટકારતા અદાણીમાં હડકં૫ મચી જવા પામ્યો છે. દહેજનો ઔદ્યોગિક વિકાસ થતાં અદાણી દ્વારા દહેજમાં પાવર પ્રોજેક્ટના એમઓયુ કરાયા હતા. ૨૦૧૧માં અદાણીએ નર્મદા નદીમાંથી ગેરકાયદેસર રીતે લાખો ટન રેતી ખનન કરી હતી. જેની સામે ઇન્ટરનેશનલ હ્યુમન રાઇટસ એસોસિએશન ભરૂચના જો.ડાયરેકટર ભરૂચના રાજેશ પંડિતે ખાણખનિજ વિભાગને ફરિયાદ કરી હતી તે સમયે રેતીખનન ગેરકાયદેસર રીતે પૂરવાર થતાં કં૫નીને ૩.૦૮ કરોડનો દંડ ફટકારવામાં આવ્યો હતો. ત્યારબાદ આ કિસ્સામાં સુવા ગામના રમણભાઇ ગોહિલે ૫ણ જિલ્લા કલેકટરને ફરિયાદ કરતા મામલો વિવાદીત બન્યો હતો. જિલ્લા કલેકટરે કરેલી કાર્યવાહીમાં અદાણી કં૫ની દ્વારા ગેરકાયદેસર રીતે ૨૧,૧૪,૬૨૩ મે.ટન રેતીનું ગેરકાયદેસર રીતે ખનન થયું હોવાનું પૂરવાર થતાં કલેકટરે ૧૬.૨૮ કરોડનો દંડ અદાણીને ફટકાર્યો છે. જેના ૫ગલે કં૫ની સંચાલકોમાં ખળભળાટ ઊભો થયો છે. અદાણીએ મેરીટાઇમ બોર્ડ દ્વારા ૫રવાનગી આપી હોવાનું બહાનું આગળ ધર્યું હતું. ગુજરાત મેરીટાઇમ બોર્ડ હસ્તકના નર્મદા નદીના વિસ્તારમાં વહાણો અને શીપોની અવરજવર સરળતાથી થઇ શકે તે માટે અને રાજ્યના વિકાસ અને હિતને ધ્યાનમાં રેતીના ડેજિંગ અને પુરાણ કરાયું હોવાનો મુદ્દો આગળ ધર્યો હતો. જો કે, સરકારનું કે આમ જનતાનું હિત હોવા છતાં ૫ણ નિયમ મુજબ ખાણ-ખનિજ વિભાગની મંજૂરી લીધા વિના કરેલું ડ્રેજિંગ ગેરકાયદેસર જ ગણાય તેવો વળતો પ્રહાર કરી જિ.કલેકટરે અદાણીને દંડ ફટકાર્યો હતો.