(સંવાદદાતા દ્વારા) સુરત તા.૧૪
શહેરના નાનપુરાના ટીમલિયાવાડ સ્થિત દિગમ્બર જૈન સેવા સંઘમાં વડોદરાની એક યુવતી સાથે બળાત્કાર ગુજારવાના એક કિસ્સામાં આરોપી શાંતિ સાગર મહારાજની વૈજ્ઞાનિક ઢબે તપાસ કરનાર ડોકટરની ઉલટ તપાસ શરૂ કરવામાં આવી હતી.
પ્રાપ્ત વિગતો મુજબ નાનપુરા ટીમલિયાવાડ ખાતે આવેલા દિગમ્બર જૈન સેવા સંઘની એક ઓરડીમાં જૈન મુનિ શાંતિ સાગર મહારાજે વડોદરાની એક યુવતી સાથે દુષ્કર્મ આચર્યુ હતું. આ અંગે અઠવા પોલીસ મથકમાં આઈપીસી ૩૭૬ મુજબનો ગુનો પીડિતા દ્વારા નોંધવામાં આવતા પોલીસે આરોપી શાંતિ સાગર મહારાજની ધરપકડ કરી લાજપોર જેલમાં મોકલી આપ્યા હતા. નવી સિવિલ હોસ્પિટલમાં આરોપીની પ્રારંભિક તથા વૈજ્ઞાનિક ઢબે તપાસ કરનાર ડૉ.અર્ચનાબેન પટેલ, ડૉ.પરેશ ચંદ્રેગા, ડૉ.મિલીન પટેલ હતા. અઠવા પોલીસે આરોપી વિરૂદ્ધ ચાર્જશીટ રજૂ કરી હતી અને ત્યારબાદ અદાલતે તહોમતનામું કર્યું હતું. તહોમતનામું કર્યા બાદ સિવિલના ત્રણ ડોક્ટરો પૈકી બે ડોક્ટરોને કોર્ટમાં બોલાવાયા હતા. જ્યાં ડૉ.અર્ચના પટેલની સર અને ઉલટ તપાસ પૂરી થયા બાદ ડાલ. પરેશ ચંદ્રેગામીની પણ તપાસ પૂર્ણ કરાય હોવાનું જાણવા મળે છે.