શ્રમિકોએ ભોજન અને વતન જવાની માંગ સાથે હાઈવે પર ચક્કાજામ કર્યાર્

મોસાલી, તા.૧૮
સુરત શહેર અને જિલ્લામાં માત્ર ઉત્તરપ્રદેશના સાડા ત્રણ લાખ શ્રમિકો કામ કરે છે, વળી લાંબા સમયથી ફેક્ટરીઓ બંધ હોય આ શ્રમિકોએ આજે તારીખ ૧૮ મેનાં માંગરોળ તાલુકાનાં પીપોદરા જી.આઇ.ડી.સી.માં આવેલી પ્રકાશ સિનેમા ગલીની સામેથી પસાર થતાં રાષ્ટ્રીય ધોરીમાર્ગ નંબર ૪૮ શ્રમિકોનું ટોળું ઘસી આવ્યું હતું અને આ હાઇવે ઉપર ચક્કાજામ કરી ટ્રાફીક બંધ કરી દઈ માંગ કરતાં હતાં કે, અમને ભોજનની વ્યવસ્થા કરી આપો અને અમને અમારા વતનમાં જવાની વ્યવસ્થા કરી આપો, આ બનાવની જાણ પોલીસને થતાં સુરત જિલ્લાના ડી.વાય.એસ.પી. જાડેજાનાં નેતૃત્વમાં સમગ્ર જિલ્લાની પોલીસ, જિલ્લા એલ.સી.બી., જિલ્લા એ.સો.જી.નો કાફલો ઘટના સ્થળે દોડી આવ્યો હતો અને ટોળાને વિખેરી હાઇવે ચાલુ કરાવ્યો હતો, સાથે જ આ વિસ્તારમાં પોલીસ પેટ્રોલીંગ શરૂ કરી દેવામાં આવ્યું હતું પોલીસે દશ થી પંદર જેટલાં લોકોને ડીટેન કરી કાયદેસરની કાર્યવાહી હાથ ધરી છે.