(સંવાદદાતા દ્વારા) અમદાવાદ, તા.૧૬
સુપ્રીમ કોર્ટે મંગળવારે વકીલોની સંસ્થા જી.એચ.સી.એ.એ.ના અધ્યક્ષની અરજીની રજૂઆત સાંભળવાનો કરવાનો ઇનકાર કરી દીધો હતો. મુખ્ય ન્યાયાધીશ એસ.એ. બોબડેની અધ્યક્ષતાવાળી ખંડપીઠે વરિષ્ઠ વકીલ એ.એમ. સિંઘવીની સુનાવણી કરી, જેમાં ગુજરાત હાઇકોર્ટના એડવોકેટ ‘એસોસિએશન (જીએચસીએએ)ના પ્રમુખ યતિન ઓઝા હાજર રહ્યા હતા અને અવલોકન કર્યું હતું કે, આ અરજીની સુનાવણી કરવા માટે તે વલણ ધરાવતું નથી, જેની સુનાવણી હાઈકોર્ટ દ્વારા જ થવી જોઈએ. ન્યાયાધીશ એમ. આર. શાહ અને એ એસ બોપન્નાની બનેલી ખંડપીઠે જણાવ્યું હતું કે, “અમે ખરેખર તે સાંભળવાનું વલણ ધરાવતા નથી. અમને લાગે છે કે તેને ફરીથી હાઇકોર્ટમાં જવું જોઈએ.” ઓઝા વિરૂદ્ધ સુઓ પ્રેરક (પોતે જ) તિરસ્કારની શરૂઆત કરતી વખતે હાઇ કોર્ટે કહ્યું હતું કે બાર નેતાએ ફેસબુક પર આયોજીત તેની લાઇવ પ્રેસ કોન્ફરન્સમાં કોર્ટ અને તેની રજિસ્ટ્રી સામે આક્ષેપો કર્યા છે. સિંઘવીએ જણાવ્યું હતું કે બાર નેતાએ રજિસ્ટ્રીની કામગીરી અંગે ટિપ્પણી કરી હતી, ન્યાયિક કાર્યો પર નહીં અને વધુમાં, હાઈકોર્ટનો આદેશ ક્રોધમાં પસાર થયો છે. જો કે, ખંડપીઠે આ અરજીની રજુઆતને માન્ય કરી ન હટી અને ઓઝાને હાઈકોર્ટમાં જ સંપર્ક કરવા જણાવ્યું હતું. ત્યારબાદ વરિષ્ઠ વકીલે આ અરજી પાછી ખેંચી લીધી હતી.ઓઝાના કથિત નિવેદનોની નોંધ લીધા પછી, હાઈકોર્ટે કહ્યું હતું કે, “નિંદાત્મક ટિપ્પણી કોઈ મજબૂત આધાર વિના અને સત્યને જાણવાની કોઈ ઇરાદા વિના તેમજ કોઈપણ તપાસ માટે માનનીય ચીફ જસ્ટિસનો સંપર્ક કર્યા વિના કરવામાં આવી હોવાનું જણાય છે.”ઓઝાએ પોતાની પ્રેસ કોન્ફરન્સમાં હાઇકોર્ટ અને તેની રજિસ્ટ્રી સામે કેટલાક આક્ષેપો કર્યા હતા. બાદમાં અદાલત દ્વારા તેમની સામે અવમાનની નોટિસ ફટકારી હતી.