ડીસા, તા.૪
ડીસા તાલુકાના સણથ ગામના ખેતરમાંથી કાંકરેજ તાલુકાના શિયા ગામની માતા પુત્રીની લાશ મળી આવતા અરેરાટી સાથે ચકચાર મચી જવા પામી છે. જો કે પોલીસે ઝાટકા મશીનથી કરંટ લાગતા મોત નિપજ્યું હોવાનું પ્રાથમિક અનુમાન વ્યક્ત કરી વધું તપાસ હાથ ધરી છે.
મળતી માહિતી મુજબ ડીસા તાલુકાના જુના સણથ ગામની સીમમાં આવેલ ખેતરમાં મૃત હાલતમાં ૨ લાશો પડી હતી.જેને લઇને લોકોએ ભીલડી પોલીસને જાણ કરી હતી. તેથી પોલીસ દોડી આવી હતી અને તપાસ કરતા અમરત ભીખાભાઇ રબારીના ખેતરમાં બટાકાના રક્ષણ માટે ઝાટકા મશીનનો વિજ કરંટ લાગવાથી કાંકરેજ તાલુકાના શીયા ગામના ગીતાબેન સરતનભાઇ રબારી (ઉ.વ.૪૧) અને પુત્રી મિનલબેન સરતનભાઇ રબારી (ઉ.વ.૧૫) મરણ પામેલ હોવાનું પ્રથમ નજરે જણાયું હતું. પરંતુ ૩ દિવસ અગાઉ આ માતા પુત્રી પોતાના પિયર મળવા જવુ છું તેમ કહીને નીકળી હતી જેમની આજે સણથ ગામના ખેતરમાંથી રહસ્યમય સંજોગોમાં મૃત હાલતમા લાશ મળી આવી હતી. ભીલડી પી.એસ.આઇ. એ.બી. શાહ ઘટના સ્થળે દોડી જઇ આધાર કાર્ડ દ્વારા મૃતકોની ઓળખ વિધી કરીને તેમના વારસદારોને જાણ કરી હતી. બાદમાં ભીલડી સી.એચ.સી. ખાતે લાશો પોસ્ટમોટ્‌ર્મ અર્થે ખસેડવામા આવી હતી. જેની વધુ તપાસ ભીલડી પી.એસ.આઇ. એ.બી. શાહ ચલાવી રહ્યા છે.