૨૦૧૯ વિશ્વકપ માટેની યો-યો ટેસ્ટ પાસ કર્યો હોવા છતાં કેમ ન મળ્યું સ્થાન..?

નવી દિલ્હી,તા.૧૬
ભારતીય ક્રિકેટ ટીમમાં યુવરાજ સિંહ, ગૌતમ ગંભીર, વીવીએસ લક્ષ્મણ અને વીરેન્દ્ર સહેવાગ જેવા શ્રેષ્ઠ અને પ્રતિભાવાન ખેલાડીઓને કરિયરના અંતિમ તબક્કામાં જે સન્માન મળવું જોઈતું હતું તે મળ્યું નહીં. આ વાત ખૂદ ભારતીય ટીમમાં પરત ફરવાની આશા સેવતા ક્રિકેટ સુરેશ રૈનાએ કરી છે. ઈન્સ્ટાગ્રામ ચેટ પર સુરેશ રૈનાએ એ સમયના પસંદગીકારોને આડેહાથ લીધા હતા અને આ વાત કહી હતી.
૨૦૧૯ના વિશ્વકપ પહેલાંની વાતને ટાંકતા સુરૈશ રૈનાએ કહ્યું કે, એનસીએમાં યુવરાજ અને મેં યો-યો ટેસ્ટ પાસ કરી હતી. માત્ર પાસ નહોતી કરી પણ સારા નંબર પણ લીધા હતા. આમ છતાં વિશ્વકપમાં અમને સ્થાન ન મળ્યું. આ ઘટના પાછળ શું કારણ છે એ મને બતાવવામાં નથી આવ્યું. મને લાગે છે કે પસંદગીકારો સિનીયર ખેલાડીઓને લઈ ગંભીર નથી. રૈનાએ વધુમાં કહ્યું કે, પસંદગીકારોને અમારી ભૂલો બતાવવી જોઈએ. જેથી અમે આગળ એ ભૂલ ન થાય તેનું ધ્યાન રાખી શકીએ. પણ અમને ટીમમાં પસંદ ન કરવાનું કારણ જ નહીં ખબર પડે તો અમે કેવી રીતે ખૂદને સાબિત કરીશું.