(સંવાદદાતા દ્વારા) સુરત, તા. ૮
શહેરના પુણા વિસ્તારના વિશ્વકર્મા જંક્શનપર પીવાના પાણીની લાઇનની ખુલ્લી ચેમ્બરમાં ગાય પડી ગઇ હતી. જેસીબીની મદદથી ગાયને રેસ્ક્યુ કરી બાહર કાઢી હતી.પ્રાપ્ત માહિતી અનુસાર પુણા ગામ વિશ્વકર્મા જક્શન પાસે સુરત મહાનગરપાલિકાના હાઇડ્રોલિક વિભાગના પીવાના પાણીની લાઇનના વાલ્વની ચેમ્બર બનાવવામાં આવી છે. જે ચેમ્બરમાં ઢાંકણાંની જગ્યાએ માત્ર પુઠુ મૂકી દેવામાં આવ્યું હતું. ગતમોડી સાંજના સમયે એક ગાય ચેમ્બરની બાજુમાં ઉગી નીકળેલ ઘાસ ચરી રહી હતી. ત્યારે અચાનક જ અંદર પડી ગઇ હતી. જો કે, કોઇની નજર પડી ન હતી. સવાર ચેમ્બર પાસેથી લોકોની અવરજવર વધતા લોકોની નજર ચેમ્બરની અંદર પડતા ગાયને જોઇ રાહદારીઓ અંદર પડતા ગાયને તડફડતી જોઇ રાહદરીઓએ તંત્રને જાણ કરી હતી. જેથી પાલિકા, પોલીસ અને ફાયરનો કાફલો ઘટના સ્થળે દોડી આવ્યો હતો અને ગાયને રેસ્ક્યુ કરવાની કામગીરી હાથ ધરી હતી.