લુણાવાડા, તા.ર૯
સરસડી ગામે મહિલાની મળેલ લાશનો ભેદ ઉકેલી પોલીસે મૃતકના પ્રેમીની ધરપકડ કરી હતી.
બનાવની વિગત અનુસાર કડાણા તાલુકાના સરસડી ચરમા ફળિયા ખાતેથી ધીરાભાઈ સોમાભાઈ પટેલીયાની પુત્રી લીલાબેનની લાશ ઘરની પાછળ નજીકમાં આવેલ ખુલ્લી પડતર જમીનમાંથી મળી આવી હતી. જે લાશનું પોસ્ટમોર્ટમ કરાવાતા મરનારનું મોત ગળુ તથા મો દબાવી હત્યા કરાઈ હોવાનું બહાર આવ્યું હતું. આ અંગે પોલીસની જુદી જુદી ટુકડીઓ બનાવી બાતમીદારો તેમજ વૈજ્ઞાનિકોએ તપાસ કરી અલગ અલગ ઈસમોની પૂછપરછ કરવામાં આવી હતી. જે વેળા રમેશ દેવાભાઈ તલાર રહે. કરવાઈ તા. કડાણાવાળાને ઝડપી તેની કડકાઈથી પૂછપરછ કરતા તેણે ગુનાની કબુલાત કરી લીધી હતી. તેણે જણાવ્યું હતું કે મૃતક લીલા સાથે છેલ્લા બે વર્ષથી પ્રેમ સંબંધ હતો જેથી હું અવારનવાર તેના ઘરની પાછળ આવેલ ખુલ્લી જગ્યામાં મળવા માટે જતા હતો. જે દરમ્યાન તા.ર૧-૧-ર૦૧૮ના રોજ રાત્રિના સમયે હું મળવા ગયો ત્યારે લીલા બીજા માણસ સાથે આડાસંબંધ રાખતી હોઈ જે બાબતે તેમની વચ્ચે બોલાચાલી થતા તેને ગુસ્સો આવી જતા લીલાનું ગળુ તથા મોંઢુ ઓઢવાની શાલ વડે દબાવી મોત નિપજાવ્યું હતું. જે કબુલાતના આધારે પોલીસે આરોપીની અટક કરી વધુ તપાસ ડીટવાસ પો.સ્ટે.ના પોસઈ કરી રહ્યા છે.