મધ્યપ્રદેશમાં ચૂંટણીસભા દરમિયાન અમિત શાહ સ્ટેજ પરથી પડી ગયા

(એજન્સી)
અશોકનગર, તા.ર૪
શનિવારે મધ્યપ્રદેશમાં એક ચૂંટણી સભા દરમિયાન ભાજપના પ્રમુખ અમિત શાહ મંચ પરથી ઉતરતા ફસડાઈ પડ્યા હતા. જેનો વીડિયો વાયરલ થયો હતો. આ ઘટના અશોકનગરની છે. જો કે અમિત શાહને કોઈ ઈજા થઈ ન હતી અને તેઓ સ્વસ્થ છે. વીડિયો વાયરલ થતાં તેની ભરપૂર ટીકા-ટિપ્પણી થઈ હતી. એક યૂઝર્સે લખ્યું કે, જુઓ અમિત શાહ કેવા અસ્વસ્થ છે. રાહુલ ગાંધીથી માત્ર પાંચ વર્ષ મોટા છે. એક બીજા યુઝર્સે લખ્યું કે, આ ભાજપના પતનની શરૂઆત છે. પહેલાં હેલિકોપ્ટરમાંથી પડી ગયા. હવે સ્ટેજ પરથી લપસી ગયા. જે ભાજપના પતનની નિશાની છે અને વિપક્ષોના ર૦૧૯માં ઉદયની નિશાની છે. ઘણાંએ આ મુદ્દે ચિંતા વ્યક્ત કરી હતી.