પલસાણા નજીક અકસ્માતમાં મોતને ભેટેલ લોકોને મોરારીબાપુ દ્વારા આર્થિક સહાય

કુંઢેલી,તા.ર૭
રક્ષાબંધનના દિવસે માર્ગ અકસ્માતમાં સુરતના પલસાણા તાલુકા નજીક કારમાં મુસાફરી કરી રહેલા લોકો પૈકી ૧૦ મુસાફરોના દુઃખદ મૃત્યુ થયા હતા. આ તમામ લોકોના સ્વજનોને શ્રી ચિત્રકુટ ધામ દ્વારા પ્રત્યેક મૃતકને રૂા. પાંચ હજારની સહાય મોરારીબાપુએ મોકલવા જણાવ્યું છે. જેની કુલ રાશી રૂા. પચાસ હજાર થવા જાય છે. પ્રાપ્ત માહિતી અનુસાર આ હતભાગી મૃતકો દેશના અન્ય રાજયના નિવાસીઓ હોઈ તેમના કુટુંબીજનોની માહિતી મેળવવામાં આવી રહી છે. એ વિગત ઉપલબ્ધ થશે એ પ્રમાણે જે તે મૃતકના સ્વજનોને આ સહાય પહોંચાડવામાં આવશે. મોરારીબાપુએ મૃતકોને શ્રધ્ધાંજલિ પાઠવી છે.