આશિષ નેહરાએ સંન્યાસ લીધો ન્યુઝીલેન્ડ સામે અંતિમ મેચ રમશે

નવી દિલ્હી, તા.૧૧
ટીમ ઈન્ડિયાના ઝડપી બોલર આશીષ નેહરા આંતરરાષ્ટ્રીય ક્રિકેટમાંથી સન્યાસ લેવા જઈ રહ્યા છે. તે આગામી મહિનાની પહેલી નવેમ્બરે સન્યાસ લેશે નેહરા ન્યુઝીલેન્ડ વિરૂદ્ધ દિલ્હીમાં રમાનારી પ્રથમ ટ્‌વેન્ટી-ર૦ મેચ બાદ આંતરરાષ્ટ્રીય ક્રિકેટમાંથી સન્યાસ લેશે આશીષ નેહરાની ઓસી વિરૂદ્ધ હાલની ટ્‌વેન્ટી-ર૦ સિરીઝ માટે ટીમમાં પસંદગી થઈ છે. પણ બંને મેચમાં તે અંતિમ ઈલેવનનો હિસ્સો રહ્યો નથી. ઓસ્ટેલિયા બાદ ન્યુઝીલેન્ડની ટીમ ભારતના પ્રવાસે આવશે અને કીવી ટીમ સાથે રમાનારી ત્રણ ટ્‌વેન્ટી-ર૦ સિરીઝની પ્રથમ મેચ તેના આંતરરાષ્ટ્રીય કારકિર્દીની અંતિમ મેચ હશે. પ્રથમ ટ્‌વેન્ટી-ર૦ મેચ દિલ્હીના ફિરોજ શાહ કોટલા મેદાનમાં રમાશે ફિરોજ શાહ કોટલા નેહરાનું ઘરેલું મેદાન પણ છે તો તે પોતાના ઘરેલું મેદાન ઉપર ક્રિકેટમાંથી સન્યાસ લેેશે.