નવી દિલ્હી, તા.ર૮
ટેસ્ટ ક્રિકેટમાં સૌથી ઝડપી ૩૦૦ વિકેટ લેનાર અશ્વિનની પ્રશંસા કરતા મહાન સ્પિનર મુરલીધરને કહ્યું કે હાલમાં આ ભારતીય ઓફ સ્પિનર વિશ્વનો સર્વશ્રેષ્ઠ સ્પિન બોલર છે. અશ્વિને શ્રીલંકા વિરૂદ્ધ નાગપુર ટેસ્ટ દરમ્યાન ઓસ્ટ્રેલિયાના ડેનિસ લિલીનો રેકોર્ડ તોડી પ૪ ટેસ્ટમાં ૩૦૦ વિકેટ પૂરી કરી. લિલીએ ૧૯૮૧માં પ૬ ટેસ્ટમાં આ સિદ્ધિ મેળવી હતી. મુરલીધરને પ૮ ટેસ્ટમાં ૩૦૦ વિકેટ પૂરી કરી હતી પણ તે સૌથી ઝડપી ૪૦૦, પ૦૦, ૬૦૦, ૭૦૦ ટેસ્ટ વિકેટ સુધી પહોંચ્યો અને ૮૦૦ ટેસ્ટ વિકેટ લેનાર વિશ્વનો એકમાત્ર બોલર છે. મુરલીએ કહ્યું કે તે ચોક્કસ રીતે હાલ વિશ્વનો સર્વશ્રેષ્ઠ સ્પિનર છે એ પૂછવા પર કે શું તેને લાગે છે કે અશ્વિન તેનો રેકોર્ડ તોડી શકશે. મુરલીધરને કહ્યું કે હજી તેની સામે લાંબી કારકિર્દી છે. તે હજી ઘણા રેકોર્ડ બનાવશે. તે હાલ ૩૧-૩ર વર્ષનો છે અને ચાર પાંચ વર્ષ હજી રમશે. જો કે તેનું પ્રદર્શન કેવું રહે છે અને ફિટનેશ કેવી રહે છે તે મહત્ત્વપૂર્ણ છે.