નવી દિલ્હી,તા.૨૭
વિશ્વ ચેમ્પિયનશિપમાં સિલ્વર મેડલ જીતનાર ભારતના દીપક પૂનિયાએ પુરૂષોના ૮૬ કિલો ફ્રીસ્ટાઇલ વર્લ્ડ રેન્કિંગમાં પ્રથમ સ્થાન હાસિલ કરી લીધું છે. જૂનિયર વર્લ્ડ ચેમ્પિયન દીપકે ઈજાને કારણે કઝાકિસ્તાનના નૂર-સુલ્તાનમાં વિશ્વ ચેમ્પિયનશિપની ફાઇનલમાં પોતાનું નામ પરત લઈ લીધું, જેના કારણે તેણે સિલ્વર મેડલથી સંતોષ માનવો પડ્યો હતો.
યૂનાઇટેડ વર્લ્ડ રેસલિંગ દ્વારા જાહેર થયેલા રેન્કિંગમાં દીપક પૂનિયા ૮૨ પોઈન્ટની સાથે પ્રથમ સ્થાને છે, તેના વર્લ્ડ ચેમ્પિયન યાજદાનીથી ચાર પોઈન્ટ વધુ છે. આ વચ્ચે વિશ્વ ચેમ્પિયનશિપમાં બ્રોન્ઝ મેડલ જીતનાર બજરંગ પૂનિયાને એક સ્થાનનું નુકસાન થયું છે. તે ૬૫ કિલો વર્ગમાં ૬૩ પોઈન્ટની સાથે બીજા સ્થાન પર પહોંચી ગયો છે, જ્યારે ચેમ્પિયનશિપમાં ગોલ્ડ મેડલ જીતનાર રૂસનો ગાદજિમૂરાદ રાશિદોવ ૭૨ પોઈન્ટની સાથે ટોપ પર પહોંચી ગયો છે.
રવિ દહિયા ૫૭ કિલો વર્ગમાં ટોપ પાંચમાં પહોંચી ગયો છે, જ્યારે રાહુલ અવારેએ ૬૧ કિલો વર્ગમાં બીજુ સ્થાન હાસિલ કર્યું છે. બંન્નેએ વિશ્વ ચેમ્પિયનશિપમાં પોત-પોતાના વર્ગોમાં બ્રોન્ઝ મેડલ જીત્યો હતો. મહિલાઓમાં એશિયન ગેમ્સની ગોલ્ડ મેડલ વિજેતા વિનેશ ફોગાટ (૫૨ કિલો) ચાર સ્થાન આગળ વધીને બીજા સ્થાને પહોંચી ગઈ છે.