(સંવાદદાતા દ્વારા) સુરત તા.૨૫
એસઓજી પોલીસને મળેલી બાતમીના આધારે ઉધના દરવાજા પાસેથી એક ડુપ્લીકેટ પીએસઆઇને ઝડપી પાડ્યા હતા. આ યુવકને પોલીસ ડિપાર્ટમેન્ટમાં નોકરી કરવાનો શોખ હતો, તેથી તેને દુકાનમાંથી યુનિફોર્મ ખરીદી કરી પહેરીનો ફરતો હોવાનું જાણવા મળે છે.
સુરત શહેર એસઓજી શાખા દ્વારા મળતી માહિતી મુજબ ઉધના દરવાજા પાસે ડુપ્લીકેટ પીએસઆઈ ફરતો હોવાની બાતમી મળી હતી. આ બાતમીના આધારે પોલીસે વોચ ગોઠવી પરસોત્તમ ધનજી લહેરી (પટેલ) રહે ૫/૩૪ બેઠી કોલોની ઉધના દરવાજા (મૂળ રહે. જૂના સાવરગામ તા. સાવરકુંડલા, જી. અમરેલી)ને ઝડપી લીધો હતો. પરષોત્તમ લહેરીની પ્રાથમિક પૂછપરછ કરતા તેને પોલીસ ડિપાર્ટમેન્ટમાં નોકરી કરવાનો શોખ હોય તેણે આ યુનિફોર્મ દુકાનમાં ખરીદી કરી પહેરી બાદ નીકળતો હતો જેથી લોકો તેને પીએસઆઈ સમજે એસઓજીએ તેણી પાસેથી પીએસઆઈનો યુનિફોર્મ, ૨ મોબાઈલ ફોન, પીએસઆઈના ડ્રેસ પહેરે ફોટાવાળુ નેશનલ ડીફેન્સ ઓર્ગેનાઈઝેશન ગુજરાત સ્ટેટનું આઈકાર્ડ, ઓલ ઈન્ડિયા કરપ્સન એન્ડ હ્નામન રાઈટ કાઉન્સિલનું આઈકાર્ડ કબજે લઈ કાયદેસરની કાર્યવાહી હાથ ધરી છે.