સુરત રેલવે સ્ટેશન પર ટ્રેન અને પ્લેટફોર્મ વચ્ચે ફસાયેલા યુવકને બચાવાયો

સુરત, તા.૧૬
સુરત રેલવે સ્ટેશનના પ્લેટફોર્મ નંબર-૨ પર એક યુવક દોડતી ટ્રેનમાં ચડવાનો પ્રયાસ કરી રહ્યો હતો. ત્યારે યુવકનો પગ લપસી જતા ટ્રેન અને પ્લેટફોર્મ વચ્ચે ઘસડાઈને ફસતો જઈ રહ્યો હતો. દરમિયાન પ્લેટફોર્મ પર હાજર એક રેલવે પોલીસ કર્મી શિવ ચરણ મીણાનું ધ્યાન જતા તેને બચાવવા માટે દોડી ગયો હતો. યુવક ટ્રેન અને પ્લેટફોર્મ વચ્ચે ફસાઈ જતા અન્ય યુવકો પણ દોડી આવ્યા હતા. દરમિયાન આ ઘટનાની જાણ થતા ટ્રેનનું ચેઈન પુલિંગ કરી ટ્રેન રોકી દેવામાં આવી હતી, અને યુવકે બચાવવામાં આવ્યો હતો. ટ્રેન અને પ્લેટફોર્મ વચ્ચે ફસાયેલા યુવકનું નામ તુષાર પટેલ હોવાનું જાણવા મળ્યું હતું.