(સંવાદદાતા દ્વારા) અમદાવાદ, તા.૨૩
રાજ્યમાં આજે ચાલુ વર્ષની સૌથી વધુ ગરમીના રેકર્ડ સાથે રાજ્યના મોટાભાગના વિસ્તારોમાં ૪૧થી ૪પ ડિગ્રી ઉપર તાપમાનનો પારો પહોંચી ગયો હતો. સુરેન્દ્રનગર ૪પ.૭ ડિગ્રી સાથે રાજ્યનું હોસ્ટેટ શહેર રહ્યું હતું જ્યારે ડીસામાં ૪પ.ર ડિગ્રી સાથે બીજા નંબરનું ગરમ શહેર રહ્યું હતું. હજી આગામી બે દિવસ દરમિયાન ગરમીનો પારો ઊંચો જાય તેવી શક્યતા છે.
રાજ્યમાં ભીષણ ગરમીનો પ્રકોપ જારી રહ્યો છે. આજે રાજ્યના મોટાભાગના વિસ્તારોમાં પારો ૪૪થી પણ ઉપર પહોંચી ગયો હતો. અમદાવાદમાં ૪૪.૬, ગાંધીનગરમાં ૪૪.૫, ડિસામાં ૪૫.૨, ઇડરમાં ૪૪.૬, અમરેલીમાં ૪૪, રાજકોટમાં ૪૪.૪, સુરેન્દ્રનગરમાં ૪૫.૭, ભુજમાં ૪૪.૨ અને કંડલા એરપોર્ટ ૪૪.૬ સુધી પારો પહોંચી ગયો હતો. બપોરના ગાળામાં લોકો ગરમીના કારણે ત્રાહિમામ પોકારી ગયા હતા. આજે સૌથી વધુ ગરમીનો અનુભવ સુરેન્દ્રનગરમાં થયો હતો. જ્યાં મહત્તમ તાપમાન ૪૫.૭ ડિગ્રી રહ્યું હતું. આ ઉપરાંત ડિસામાં પણ પારો ૪૫.૨ સુધી પહોંચ્યો હતો. અમદાવાદમાં આજે પારો ૪૪.૬ ડિગ્રી રહ્યો હતો. બપોરના ગાળામાં આગઝરતી ગરમીનો અનુભવ કર્યો હતો. અમદાવાદ શહેરમાં બપોરના ગાળામાં જનજીવન સંપૂર્ણપણે ખોરવાયેલું રહ્યું હતું. લોકોએ બહાર નિકળવાનું ટાળ્યું છે. આગામી દિવસોમાં પણ ગરમીના પ્રમાણમાં વધુ વધારો થવાના સંકેત દેખાઈ રહ્યા છે. આગામી દિવસોમાં પારો હજુ પણ ઉપર જઈ શકે છે. અમદાવાદમાં મહત્તમ તાપમાન ૪૪ની આસપાસ રહી શકે છે. ઉત્તર ગુજરાત અને સૌરાષ્ટ્રમાં પણ આજે તીવ્ર ગરમીનો અનુભવ થયો હતો. બપોરે ગરમ હવાના કારણે લોકો ત્રાહિમામ પોકારી ગયા હતા.

ક્યા શહેરમાં કેટલું તાપમાન ?

સુરેન્દ્રનગર ૪૫.૭
ડીસા ૪૫.૨
અમદાવાદ ૪૪.૬
ઇડર ૪૪.૬
કંડલા એરપોર્ટ ૪૪.૬
ગાંધીનગર ૪૪.૫
રાજકોટ ૪૪.૪
ભુજ ૪૪.૨
અમરેલી ૪૪
કંડલા પોર્ટ ૪૨.૫
વડોદરા ૪૨.૪
મહુવા ૪૨.૨
વીવીનગર ૪ર.૦૦
નલિયા ૪૧