ભરૂચ,તા.૧૬
નેશનલ હાઈવે ૪૮ ઉપર પાલેજ-ભરૂચ વચ્ચે આવેલા નબીપુર ગામ પાસે ઈંડા ભરેલા પિંકઅપવાન ટેમ્પોને અકસ્માત નડતા લોકોએ ઈંડાની લૂંટ ચલાવી હોવાની ઘટના સામે આવતા સોશિયલ મીડિયા પર વીડિયો વાયરલ થતાં લોકોમાં ભારે કુતૂહલ સર્જાયું હતું.
વડોદરા તરફથી ઈંડા ભરેલો પિંક અપવાન ટેમ્પો નેશનલ હાઈવે પરથી ભરૂચ તરફ આવી રહ્યો હતો તે દરમિયાન નબીપુર નજીક ઈંડા ભરેલા ટેમ્પોને અકસ્માત નડતા ઈંડા ભરેલો પીકઅપ વાન ભરેલો ટેમ્પો પલટી મારી જતાં હાઈવે ઉપર ઈંડાઓ જ ઇંડાઓ જોવા મળ્યા હતા. ટેમ્પો પલટી જવાની આસપાસના લોકોને જાણ થતા જ લોકો ઈંડા ની લૂંટ ચલાવવા દોડી આવ્યા હોય એવા વિડીયો વાઇરલ થયા હતા.
મહિલાઓ તથા કેટલાક પુરુષો પણ ઈંડાની ટ્રે લઇ ભાગી રહ્યા હોવાના દ્રશ્યો મોબાઈલમાં કેદ થયા હતા તો કેટલીક મહિલાઓ તો પહેરેલી સાડીમાં ભરીને લઈ જતા મોબાઈલ વીડિયોમાં કેદ થયા હતા લોકોએ અકસ્માતમાં ઈજાગ્રસ્તને સારવાર અર્થે ખસેડવામાં બદલે ઈંડાની લૂંટ ચલાવવામાં મગ્ન બન્યા હોય તેવા દ્રશ્યો જોવા મળ્યા હતા અકસ્માતના પગલે એક તરફનો વાહન વ્યવહારને અસર થવા પામી હતી. જો કે સ્થાનિક પોલીસને જાણ થતા પોલીસ કાફલો પણ ઘટના સ્થળ ઉપર દોડી આવી અકસ્માત નડેલા ઈંડા ભરેલા ટેમ્પાને રોડની સાઇડ કરી વાહન વ્યવહાર અર્થે માર્ગ ખુલ્લો કરવાની કવાયત હાથ ધરી હતી.
પોલીસે ટેમ્પો ચાલકની ફરિયાદના આધારે વધુ તપાસ હાથ ધરી છે. અકસ્માતના પગલે અન્ય વાહનચાલકો અકસ્માતનો ભોગ ન બને તે માટે રોડ ધોવાઇ રહ્યાના દ્રશ્યો પણ સામે આવ્યા હતા. હાઈવે ઉપર ઈંડા ભરેલ પીકઅપ વાન ટેમ્પોને અકસ્માત નડતા પિંકઅપવાન ટેમ્પો પલટી મારી જતા ઈંડા રોડ ઉપર ફરી વળતા રોડ ચીકણો થઈ જતા અન્ય વાહનચાલકો અકસ્માતનો ભોગ ન બની શકે તે માટે રોડ પાણીથી ધોવાની કવાયત હાથ ધરવામાં આવી હતી.