National

પૂર્વ સીએમ કિરણકુમાર રેડ્ડી કોંગ્રેસમાં જોડાય તેવી શકયતા

(એજન્સી) હૈદરાબાદ,તા.ર
સંયુકત આંધ્રપ્રદેશના પૂર્વ મુખ્યમંત્રી એન. કિરણકુમાર રેડ્ડી દિલ્હીમાં એ.આઈ.સી.સી. અધ્યક્ષ રાહુલ ગાંધીની હાજરીમાં ૩ અથવા ૪ જુલાઈએ કોંગ્રેસમાં જોડાય તેવી શકયતા છે. એઆઈસીસી આંધ્રપ્રદેશની બાબતોના ઈન્ચાર્જઓની ઓમ ચાંડીએ શનિવારે રેડ્ડી સાથે તેમના નિવાસસ્થાન પર મુલાકાત લીધી હતી. આ બંને વચ્ચે લગભગ ર કલાક સુધી ચર્ચા ચાલી હતી. તેમણે ર૦૧૯ની ચૂંટણીઓ પહેલા આંધ્રપ્રદેશમાં પક્ષને રાષ્ટ્રીય સ્તરે મજબૂત બનાવવા માટે રેડ્ડીને કોંગ્રેસમાં જોડાવવાની વિનંતી કરી. ચાંડી અહીં રવિવારે રાજયસભાના સભ્ય ટી. સુબ્બારામ રેડ્ડીના પૌત્રના લગ્નમાં સામેલ થવા માટે શહેરમાં આવ્યા હતા. તેમણે લગ્ન સમારંભ બાદ કોંગ્રેસના નેતાઓ સાથે રેડ્ડીની મુલાકાત લીધી રેડ્ડીએ આંધ્રપ્રદેશમાંથી તેલંગાણાને નવા રાજય તરીકે છુટું પાડવાના યુ.પી.એ. સરકારના નિર્ણયનો વિરોધ કરવા માટે ર૦૧૪ની સામાન્ય ચૂંટણીના થોડા સમય પહેલા જ તેમણે કોંગ્રેસ સાથે છેડો ફાડયો હતો અને મુખ્યમંત્રી પદેથી રાજીનામું આપી દીધું હતું. તેમણે ર૦૧૪મી ચૂંટણી પહેલા પોતાના જય સામખયાન્દ્રા નામના નવા પક્ષની રચના કરી હતી, પરંતુ તેમણે ચૂંટણીમાં ઉમેદવારી નોંધાવી નહોતી. તેમના પક્ષે એક પણ બેઠક પર વિજય મેળવ્યો નહોતો અને તે સત્તામાંથી બહાર થઈ ગઈ હતી.

About author

Articles

"VOICE OF TRUE JOURNALISM"
    Related posts
    NationalPolitics

    કેજરીવાલને ૬ દિ’ના રિમાન્ડ, AAP દેશવ્યાપી વિરોધ કરશે

    કેજરીવાલની ધરપકડ સામે સુપ્રીમ…
    Read more
    NationalPolitics

    દિલ્હી લિકર પોલિસી કેસમાં એન્ફોર્સમેન્ટ ડિરેક્ટોરેટ દ્વારા પૂછપરછ પછી : અરવિંદ કેજરીવાલની ધરપકડ

    ED ના કેસમાં દિલ્હી હાઇકોર્ટ દ્વારા…
    Read more
    MuslimNational

    ઉત્તરપ્રદેશના બદાયુંમાં ૨ સગીરોની હત્યાના જઘન્ય કિસ્સાનેસાંપ્રદાયિક રંગ આપવામાં આવ્યો : મુસ્લિમોના વિરોધનું આહ્‌વાન

    રાજ્ય પોલીસ અને મૃતકના પરિવારજનો…
    Read more
    Newsletter
    Become a Trendsetter

    Sign up for Davenport’s Daily Digest and get the best of Davenport, tailored for you.