(એજન્સી) નવી દિલ્હી,તા.૧૦
કુલદીપ સેંગર દ્વારા ૨૦૧૭માં ઉન્નાવમાં એક યુવતીનું અપહરણ કરી તેના પર દુષ્કર્મ મામલે તીસ હજારી કોર્ટે નિર્ણય સુરક્ષિત રાખ્યો છે. આ મામલે કોર્ટનો નિર્ણય ૧૬ ડિસેમ્બરે આવી શકે છે. ઉન્નાવ રેપ કેસમાં ધારાસભ્ય કુલદીપ સેંગર અને શશિ સિંહ પર કોર્ટ નિર્ણય સંભળાવશે. આ કેસમાં જો કુલદીપ સિંહ સેંગર દોષિત સાબિત થશે તો તેમને ઉમરકૈદની સજા સંભળાવવામાં આવી શકે છે. શશી સિંહ પર આરોપ છે કે, તે પીડિતાને ધારાસભ્ય કુલદીપ સેંગર પાસે લઈને ગઈ હતી, જ્યાં કથિત રીતે કુલદીપ સેંગરે પીડિતા સાથે રેપ કર્યો હતો. આ મામલે ૫ હ્લૈંઇ નોંધાઈ છે, જેમાં ૧૬ ડિસેમ્બરે નિર્ણય આવી શકે છે. અન્ય ત્રણ મામલાઓમાં પણ સુનવણી હાલ ચાલી રહી છે. આ મામલે બીજી હ્લૈંઇ પીડિતા સાથે થયેલા ગેંગરેપને લઈને નોંધવામાં આવી છે. જ્યારે ત્રીજી હ્લૈંઇ પીડિતાના પિતા સાથે મારામારી અને પછી પોલીસ કસ્ટડીમાં થયેલા તેના મોત સાથે જોડાયેલી છે. નોંધનીય છે કે, આ પહેલાં ૨ ડિસેમ્બરે કોર્ટે દુષ્કર્મના આ મામલામાં છેલ્લી દલીલો સાંભળવાની કાર્યવાહી સોમવારે શરૂ કરી હતી.