Gujarat

ઝારખંડ : ટોળાએ ઈફતાર કરતાં મુસ્લિમો પર હુમલો કર્યો : રાતોરાત ગામ છોડી જવા ફરજ પાડી

(એજન્સી) રાંચી, તા.ર૮
શુક્રવાર સાંજે ઝારખંડના કોડરમાં જિલ્લામાં ટોળાએ સાંજે ઈફતારના સમયે કેટલાક મુસ્લિમ પરિવારો પર હુમલો કર્યો હતો અને મહિલાઓ સહિત અન્યોની સતામણી કરી હતી. તેના પરિણામ રૂપે ર૦ જેટલા મુસ્લિમ પરિવારોને રાતોરાત ઘર છોડી જવાની ફરજ પડી હતી. આ ટોળાએ મસ્જિદમાં પણ તોડફોડ કરી હતી અને મગરીબની નમાઝ પઢી રહેલા લોકો પર પણ હુમલો કર્યો હતો. આ જ પ્રકારનો હુમલો ગત વર્ષે એપ્રિલમાં પણ કરવામાં આવ્યો હતો. છેલ્લા કેટલાક વર્ષોથી સ્થાનિક હિન્દુઓ ગામમાં મસ્જિદના બાંધકામનો વિરોધ કરી રહ્યા છે. તેમજ મુસ્લિમો પર દબાણ નાખી રહ્યા છે કે અગાઉ તેમના પર થયેલા હુમલાની પોલીસ ફરિયાદો પરત ખેંચે. ગત વર્ષે મુસ્લિમોને પોલીસ ફરિયાદ દાખલ કરાવ્યા બાદથી તેમનો બહિષ્કાર થઈ રહ્યો છે. તેમને ગામમાંથી ખરીદી કરવા દેવામાં નથી આવી રહી તેમજ જાહેર કૂવાનો ઉપયોગ પણ નથી કરવા દેવામાં આવી રહ્યો. શુક્રવાર સાંજના બનાવ પછી મુસ્લિમોએ અન્ય એક ફરિયાદ નોંધાવી છે. તેમાં તેમણે જણાવ્યું કે હુમલાખોરો તલવારો, કુહાડીઓ અને લાઠીઓ લઈને આવ્યા હતા. સો જેટલા લોકોનું ટોળુ મસ્જિદમાં દાખલ થયું અને ઈફતાર કરી રહેલા મુસ્લિમો પર હુમલો કર્યો જેમાં અનેક લોકો ઘાયલ થયા હતા. તેમને સદર હોસ્પિટલમાં લઈ જવાયા હતા. ઉશ્કેરણીજનક સૂત્રોચ્ચાર સાથે ટોળાએ મસ્જિદને નુકસાન પહોંચાડ્યું હતું તેમજ પવિત્ર કુર્આનની નકલો બાળી મૂકી હતી. તેમણે મુસ્લિમોને ગામ છોડી જવા ધમકી આપી હતી કે જો તેઓ નહીં જાય તો તેમાના દરેકની હત્યા કરવામાં આવશે. ભયભીત પરિવારો રાતોરાત ગામ છોડીને ૮ કિલોમીટર દૂર જિલ્લા કલેકટરની ઓફિસમાં આશ્રય લીધો છે.

About author

Articles

"VOICE OF TRUE JOURNALISM"
    Related posts
    GujaratReligion

    તરાવીહની નમાઝ પઢી બહાર આવતા મુસ્લિમ ભાઈઓને ચા પીવડાવતા કોમી એકતાની જ્યોત પ્રજ્વલિત બની

    વઢવાણમાં હિન્દુ યુવાન મનોજનું…
    Read more
    Gujarat

    ધોળકામાં જુગારની રેડમાં પકડાયેલા આરોપીનું મોત થતાં હોબાળો : સિવિલમાં પેનલ ડોક્ટર દ્વારા પીએમ કરાયું

    અમદાવાદ ગ્રામ્યના ઇન્ચાર્જ જીઁ ધોળકા…
    Read more
    GujaratReligion

    ગનીભાઈ વડિયાએ કોમી એકતા મહેકાવી આણંદપુરના મુસ્લિમ બિલ્ડરે ગામની ૧૦૦ હિન્દુ મહિલાઓને ધાર્મિક યાત્રા કરાવી

    સુરેન્દ્રનગર, તા.૧૮ચોટીલા તાલુકાના…
    Read more
    Newsletter
    Become a Trendsetter

    Sign up for Davenport’s Daily Digest and get the best of Davenport, tailored for you.