મહારાષ્ટ્ર : નશામાં ચૂર બે મિત્રો ર૦૦૦ ફૂટ ઊંડી ખાઈમાં પડ્યા, ત્રીજાએ કર્યું મોબાઈલ શૂટિંગ

મુંબઈ,૪
દારુના નશામાં ચકચૂર થઈ ગયેલા બે મિત્રો મહારાષ્ટ્રના પ્રસિદ્ધ પર્યટક સ્થળ આંબોલી ઘાટ પરથી લગભગ ર૦૦૦ મીટર ઉંડી ખાઈમાં પડતા તેમનું મોત થયું હતું. અને આ ઘટનાનું તેમના અન્ય એક મિત્રએ તેના મોબાઈલ કેમેરામાં વીડીયો શુટીંગ કરી લેતા આ કરુણ ઘટના સોશિયલ મીડીયામાં ફેલાઈ ગઈ હતી. આ ઘટના બાદ પોલીસે ર૬ વર્ષીય ઈમરાન ગરાડી અને ર૧ વર્ષીય પ્રતાપ રાઠોડના મૃતદેહની શોધખોળ શરૂ કરી હતી પરંતુ મુશળધાર વરસાદ અને ધુમ્મસભર્યા વાતાવરણમાં તેમના મૃતદેહ શોધવા મુશ્કેલ થઈ ગયું હતું.