ટેબલ ટેનિસમાં સુરતની ફિલઝાહને બેવડી સફળતા

(સંવાદદાતા દ્વારા)  સુરત,તા.૩

ગુજરાત સ્ટેટ ટેબલ ટેનિસ આયોજિત સેકન્ડ સ્ટેટ રેન્કિંગમાં સુરતની ફિલઝાહ ફાતેમા સૈયદે પ્રથમ ક્રમાંક પ્રાપ્ત કરી સુરતનું નામ રોશન કર્યું છે. અન્ડર ૧૮ તેમજ અન્ડર ર૧ યુથ ગર્લ્સમાં ફિલઝાહે નજીકના હરીફોને પરાજયનો સ્વાદ ચખાડ્યો હતો અને પોતાના કાર્યકાળનું શ્રેષ્ઠ પ્રદર્શન કર્યું હતું. આ સ્પર્ધામાં સુરતની જ સંસ્કૃતિએ બીજુ સ્થાન પ્રાપ્ત કરી સુરતનું ગૌરવ વધાર્યું હતું. ફિલઝાહની બેવડી સિદ્ધિથી મુસ્લિમ સમુદાય પણ હર્ષની લાગણી અનુભવી રહ્યું છે.