કોડીનાર, તા.ર૯
કોડીનાર શહેરના વિરાટનગર વિસ્તારમાં આંગણવાડી વર્કરને તેના ૪ કુટુંબીજનોએ જૂની અદાવતમાં માર મારી જાનથી મારી નાંખવાની ધમકી આપી લૂંટ ચલાવ્યાની ફરિયાદ કોડીનાર પોલીસ સ્ટેશનમાં નોંધાઈ છે.
આ અંગે આંગણવાડી વર્કર ડાયબેન તેજાભાઈ ગઢેળે નોંધાવેલી ફરિયાદ મુજબ ડાયબેનને તેના કુટુંબીજનો ભરત ધીરૂ સોલંકી અને તેના ઘરના સભ્યો ડાયબેનને તેમના મકાનમાં રહેવા દેતા ન હોય અને આ લોકો ડાયબેનનું મકાન પડાવી લેવા માંગતા હોય અગાઉ પણ ભરત ધીર બે વખત માર મારતા તેની પોલીસ ફરિયાદ પણ નોંધાવી હોય તેનું મનદુઃખ રાખી ભરત ધીરૂ સોલંકી અને તેના ભાઈ ભાવેશ પાઈપ વડે ડાયબેન ઉપર હુમલો કરી ઝપાઝપી દરમિયાન ભરતે ડાયબેનના દોઢ તોલાના સોનાના ચેઈન કિં.રૂા.૪૦૦૦૦/- અને મોબાઈલ કિં.રૂા.૧૦પ૦૦/-ની લૂંટ કરી લઈ ગયાની અને ગાળો ભાંડી જાનથી મારી નાંખવાની ધમકી આપ્યાની ફરિયાદ નોંધાવતા પોલીસે આ અંગે ભરત ધીરૂ સોલંકી, ભાવેશ ધીરૂ સોલંકી, ભાવના ધીરૂ સોલંકી અને ભરતની પત્ની વિરૂદ્ધ ગુનો નોંધી વધુ તપાસ હાથ ધરી છે.