(એજન્સી) મુંબઈ, તા.૪
સુપ્રીમ કોર્ટ સમક્ષ ચાલતા જજ લોયા કેસની સુનાવણી સમયે મહારાષ્ટ્ર સરકાર વતી વરિષ્ઠ વકીલ મુકુલ રોહતગી ઉપસ્થિત રહ્યા હતા. જેમને મહારાષ્ટ્ર સરકારે ફી પેટે ૧.ર૧ કરોડ રૂપિયા ચૂકવવાનો નિર્ણય કર્યો છે. આ વાતનો ખુલાસો એક આરટીઆઈમાં થયો છે.
જજ લોયા કેસમાં મહારાષ્ટ્ર સરકારે પૂર્વ એટર્ની જનરલ ઓફ ઈન્ડિયા મુકુલ રોહતગીની નિમણૂક કરી હતી. આ ઉપરાંત પૂર્વ સોલીસીટર જનરલ ઓફ ઈન્ડિયા અને વરિષ્ઠ વકીલ હરીશ સાલ્વેની પણ નિમણૂક કરી હતી. તેમ આરટીઆઈ કાર્યકર જતીન દેસાઈએ જણાવ્યું હતું. વરિષ્ઠ વકીલ રોહતગી જજ લોયા કેસમાં ૧૧ વખત સુપ્રીમ કોર્ટમાં ઉપસ્થિત રહ્યા હતા. જેમાં દરેક સુનાવણી સમયે ૧૧ લાખ રૂપિયા નક્કી કરાયા હતા. ૧૧ લાખ રૂપિયા વકીલની ફી હતી. મુખ્યમંત્રી દેવેન્દ્ર ફડણવીસના હુકમથી આ રકમ ચૂકવાઈ હતી. બીજા વકીલ હરીશ સાલ્વેની ફી અંગે હજુ કોઈ માહિતી મળી નથી. રોહતગીનીસ ફી માટેની માહિતી બાદ હવે સાલ્વેની ફી માટેની માહિતી અંગે આરટીઆઈ કરાશે. રોહતગી ફક્ત એક જ સુનાવણીમાં હાજર હતી.