કર્ણાટક ચૂંટણી પરિણામો : સિદ્ધારમૈયાએ એક બેઠક જીતી, બીજી ઉપર હાર્યા

(એજન્સી) બેંગ્લુરૂ, તા.૧પ
કર્ણાટકના વિદાય લેતા મુખ્યમંત્રી સિદ્ધારમૈયાએ બે બેઠકો ઉપર ઉમેદવારી કરી હતી. જેમાંથી એક બેઠક બદામી ઉપરથી જીત્યા હતા અને બીજી બેઠક ચામુંડેશ્વરીની હતી જેમાં એ હાર્યા છે. સિદ્ધારમૈયાએ ભાજપના બી. શ્રીરામુલુને હરાવ્યું છે. આ બેઠક બગલકોટ જિલ્લામાં આવેલ છે જે કર્ણાટકમાં મુંબઈ-કર્ણાટકા ક્ષેત્ર તરીકે ઓળખાય છે. એમને શંકા હતી કે એ ચામુંડેશ્વરીથી કદાચ હારી જાય એ માટે એમણે બદામીમાંથી પણ ઉમેદવારી કરી હતી. એમણે પોતાના હરીફ ભાજપના રામુલુને ફક્ત ૧૬૯૬ મતોથી હરાવ્યું છે. ર૦૧૩માં આ બેઠક કોંગ્રેસ જીતી હતી, એ પહેલાં ર૦૦૮માં ભાજપે આ બેઠક જીતી હતી. પ૦ હજારની વસ્તી ધરાવતા બદામીમાં ઘણા બધા સિદ્ધારમૈયાની કુરૂબા કોમના છે ઉપરાંત અહીં લિંગાયતો અને વીરારાઈવાસોની પણ ઘણી વસ્તી છે.