Gujarat

જામનગરમાં ટાઈમ બોમ્બ જેવું બોક્સ મૂકી ભય ફેલાવવાનું કાવતરૂં

જામનગર, તા.૨૫
જામનગરના જનતા ફાટક વિસ્તારથી કૃષ્ણનગર થઈ સોની કન્યા વિદ્યાલય તરફના માર્ગ પર આવેલા એક કારખાના નજીક આજે સવારે જામનગર મહાનગર પાલિકાના કામદાર દ્વારા સફાઈ કરવામાં આવી રહી હતી. ત્યારે એક ખાલી ખોખામાં એલાર્મ ઘડિયાળ તેમજ મોબાઈલ ફોનની બેટરી અને ૧૦ સુતળી બોમ્બ જોવા મળતા આ કામદારે પ્રથમ તો કંઈ જ વિચાર્યા વગર તે બોક્સને એક તરફ હડસેલી દીધુ હતું ત્યાર પછી આ વસ્તુ શું હતી તેવું કુતૂહલ જાગતા તેણે બોક્સ પર ફરીથી નજર નાખતા તેના શરીરમાં ભયનું લખલખુ પ્રસરી ગયું હતું.
ઉપરોક્ત વસ્તુઓ ટાઈમ બોમ્બ તો નથી ને તેવી ઉપજેલી શંકાના પગલે સફાઈ કામદારે અન્ય વ્યક્તિને જાણ કરતા પોલીસ કંટ્રોલને ફોન મારફતે વાકેફ કરવામાં આવ્યું હતું અને જિલ્લા પોલીસવડા શરદ સિંઘલને માહિતી અપાતા તેઓની સૂચનાથી સિટી-સી ડિવિઝનનો પોલીસ કાફલો યુદ્ધના ધોરણે ઘટનાસ્થળે ધસી ગયો હતો.
પોલીસે ત્યાં પહોંચી સમયસૂચકતા વાપરી આખા વિસ્તારને કોર્ડન કરી લીધો હતો. જ્યારે બીડીડીએસના સ્ટાફે તે બોક્સ પાસે સાવચેતીપૂર્વક પહોંચી નિરીક્ષણ કરતા તેમાં ૧૦ સુતળી બોમ્બ, સસ્તા પ્રકારની ઘડિયાળ (એલાર્મ) તથા મોબાઈલમાં વપરાતી બેટરી જોવા મળ્યા હતા, પરંતુ તે ખોખામાં ડીટોનેટર જોવા નહીં મળતા બીડીડીએસના સ્ટાફે હાશકારો અનુભવી સ્થળ પર આવી પહોંચેલા એસપી સિંઘલને તેનાથી વાકેફ કરી આ ચીજવસ્તુઓ ટાઈમ બોમ્બ નથી. પરંતુ કોઈએ આ વિસ્તારમાં રહેતા લોકોમાં ભય ફેલાવવા ટિખ્ખળ કરવાના ઈરાદે ઘડિયાળના બોક્સમાં વ્યવસ્થિત રીતે સુતળી બોમ્બ, એલાર્મ તથા બેટરી ગોઠવી વિકૃત આનંદ મેળવ્યો હોવાનું જણાવતા પોલીસના શ્વાસ હેઠા બેઠા હતા. પોલીસે ઉપરોકત ચીજવસ્તુઓ કબજે કરી છે અને તે સ્થળે આ કોણે મૂક્યા ? તેની તપાસ આરંભી છે.
ઉલ્લેખનીય છે કે, થોડા દિવસોથી આવી રીતે જામનગર શહેરમાં સમયાંતરે પોલીસને દોડાવતી અફવાઓ પ્રસરી રહી છે. હજુ ગઈકાલે જ ફાયરીંગ થયું હોવાના ખોટા અહેવાલે દોડધામ કરાવી હતી.

About author

Articles

"VOICE OF TRUE JOURNALISM"
    Related posts
    GujaratHarmony

    ભરૂચની પટેલ વેલ્ફેર હોસ્પિ.માં કોમી એકતાનો અનોખો કિસ્સો મુસ્લિમ મિત્રોની મદદથી સુરતનો ચંદન મોત સામેનો જંગ જીતી ગયો

    માતા-પિતાના અવસાન બાદ બે બહેનોન…
    Read more
    Gujarat

    વટામણ-ધોલેરા હાઇવે પર ભોળાદ ગામ નજીક કાર-ટ્રક વચ્ચે સર્જાયેલ ગોઝારા અકસ્માતમાં અમદાવાદના એક જ પરિવાના ચારનાં મોત

    શાહપુર વિસ્તારના લોકો ઇદ નિમિત્તે…
    Read more
    CrimeGujarat

    સુરતના VR મોલને મળ્યો ધમકીભર્યો મેઈલ જેટલાને બચાવવા હોય તેટલાને બચાવી લો, બ્લાસ્ટ કરવામાં આવશે

    પોલીસે બે હજારથી વધુ લોકોને બહાર…
    Read more
    Newsletter
    Become a Trendsetter

    Sign up for Davenport’s Daily Digest and get the best of Davenport, tailored for you.