ટ્રેક્ટર અને કાર વચ્ચે અકસ્માતઃ બેને ગંભીર ઇજા

ઉના, તા.૧૩
વેરાવળ નેશનલ હાઇવે પર સિલોજ ગામ નજીક બોલેરો પૂરઝડપે ચલાવી ઉના તરફ આવતા સાથે આવતુ ટ્રેક્ટર સાથે જોરદાર અકસ્માત સર્જાતા ટ્રેક્ટરમાં બેસેલા બે વ્યક્તિઓને ઇજા પહોચી હતી. આ અંગેની બોલેરો કારના ચાલક સામે પોલીસ ફરિયાદ નોધાવેલ છે.
આ અંગેની પ્રાપ્ત વિગત મુજબ ગભરૂભાઇ વિરાભાઇ બાંભણીયા લઇ ઉનાથી નાથળ ગામ તરફ જતા હતા ત્યારે સામેથી બોલેરો કાર નં.જી.જે. ૦૪ સીજે ૯૨૮૨નો ચાલક રમેશ કાનજી વડેરા કાર પૂરઝડપે ચલાવી આવતો હોય એ વખતે ટ્રેક્ટર સાથે ભટકાવી ટ્રેક્ટરની ટ્રોલીમાં બેસેલા મહિલાઓ સહિતને નાની-મોટી ઇજા થઇ હતી. જ્યારે બે વ્યક્તિને ગંભીર ઇજા થતા ઉના હોસ્પિટલે ખસેડેલ હતા. આ અકસ્માતમાં ટ્રેક્ટરની ડીઝલની ટાકી ફાટી જતાં ડીઝલ રસ્તા પર ઢોળાઇ ગયેલ હતું.